曾智华 - 余香凝闯金马奖｜禄禄无穷
曾智华
2022-10-03 00:00 HKT
字體大小
早前，小弟在专栏及个人社交平台劲力推荐大家入场睇《缘路山旮旯》，因久久未见这样清新可喜的本地小品，必须鼓掌支持，以作激励。我实牙实齿扬言——边个睇完唔满意，小弟私人立即回水！
豪言后，小小滴汗。因fb一共有近十万追踪者，若一成人睇完嘘，嗌回水，咁我咪……死得，要呕几十万出嚟填氹？
不过，嘻嘻，虽然网上咁多百弹haters，竟然冇一个叫我回水，连扮吓嘢都冇！
小弟推介此片时，票房约三四百万。如今，已达千万，真系饮得杯落。于是，决定真系饮杯，宴请监制邝珮诗、导演黄浩然及制片冯惠思到戏曲中心「满乐中菜」擦大餐，顺便听吓拍摄花絮。
讨论的中心人物，当然为女主角余香凝，戏中扮演「咩姐」，可爱到不得了，人见人爱车见车载！
原来，拍此片时，佢已怀孕。整个戏组为迁就佢在未见肚前煞清全部戏份，赶到裙拉裤甩，终于搞掂。
小弟有一疑问，是「咩姐」咁清纯，但戏里爆过几句粗口。究竟系真人演绎定导演或剧本要求？
「我加落去叫佢讲嘅！」黄浩然直指，然后，解释一轮现今香港的讲粗口现象。事实，如今的港女，不少就是如此，早变顺口溜而冇淫意。
饭后翌日，咦，新闻报道，余香凝提名金马奖。不过，明明系女主角，点解变为最佳女配角呢？
曾智华
豪言后，小小滴汗。因fb一共有近十万追踪者，若一成人睇完嘘，嗌回水，咁我咪……死得，要呕几十万出嚟填氹？
不过，嘻嘻，虽然网上咁多百弹haters，竟然冇一个叫我回水，连扮吓嘢都冇！
小弟推介此片时，票房约三四百万。如今，已达千万，真系饮得杯落。于是，决定真系饮杯，宴请监制邝珮诗、导演黄浩然及制片冯惠思到戏曲中心「满乐中菜」擦大餐，顺便听吓拍摄花絮。
讨论的中心人物，当然为女主角余香凝，戏中扮演「咩姐」，可爱到不得了，人见人爱车见车载！
原来，拍此片时，佢已怀孕。整个戏组为迁就佢在未见肚前煞清全部戏份，赶到裙拉裤甩，终于搞掂。
小弟有一疑问，是「咩姐」咁清纯，但戏里爆过几句粗口。究竟系真人演绎定导演或剧本要求？
「我加落去叫佢讲嘅！」黄浩然直指，然后，解释一轮现今香港的讲粗口现象。事实，如今的港女，不少就是如此，早变顺口溜而冇淫意。
饭后翌日，咦，新闻报道，余香凝提名金马奖。不过，明明系女主角，点解变为最佳女配角呢？
曾智华
最Hit
港妈兼职意外曝光「职业粉丝」价目表 时薪$60只是入门价？斋坐都收3位数 原来入行要先「交功课」｜Juicy叮
2025-11-16 13:00 HKT
运动会射箭表演恐怖意外 女生遭射穿面部
2025-11-15 12:34 HKT
更多文章
