KellyChu - 指「0+3」影响生意 「噏得出就噏」 张宇人话有人「扮代表」饮食业界爆骂战｜Executive日记
KellyChu
2022-09-29 00:00 HKT
字體大小
饮食界立法会议员、行会成员张宇人喺社交平台出咗条片，不点名批评饮食业内有人「扮代表」， 话「0+3」影响饮食业，形容呢个讲法「全无科学根据」、「噏得出就噏」，即时惹来业内人士反驳，稻苗学会荣誉会长黄杰龙回应话：「我几肯定佢唔系闹我」、「如果俾佢闹吓就有生意，我日日俾佢闹都冇所谓」。香港餐饮联业协会会长黄家和亦同Kelly讲：「我唔知佢（张宇人）系指边个，但我就绝对唔系要扮乜乜物物。」
张宇人喺片段中不点名批评有人「扮饮食业界代表」，话「0+3」影响业界生意，强调「我呢个廿几年嚟饮食业嘅代表只此一个，可以话畀你听我完全唔认同呢啲全无科学根据、无数据、噏得出就噏嘅言论。」佢仲话，港人过去外出旅行，未见影响饮食业生意，「点解呢？系咪入嚟香港（的人）一定少过出去？系咪香港人出咗去使晒钱，返嚟就冇钱食嘢呢？」佢指政府放宽「0+3」后，各行各业都受惠，「最多无大增长，一定唔会唔见生意。」
翻查资料，黄杰龙同黄家和都批评过「0+3」会影响食肆生意。黄杰龙昨日喺电台节目回应：「我几肯定佢唔系闹我，就算系我都唔介意，因为佢系长辈俾长辈闹好平常。其实我都想佢讲得啱，最好生意冇影响。如果俾佢闹吓就有生意，我日日俾佢闹都冇所谓。」黄家和就同Kelly讲，「我唔知佢（张宇人）系指边个，但我就绝对唔系要扮乜乜物物」，强调维持个人睇法，就系「0+3」会拖累全港经济。
Kelly Chu
黄家和 
黄杰龙
张宇人喺片段中不点名批评有人「扮饮食业界代表」，话「0+3」影响业界生意，强调「我呢个廿几年嚟饮食业嘅代表只此一个，可以话畀你听我完全唔认同呢啲全无科学根据、无数据、噏得出就噏嘅言论。」佢仲话，港人过去外出旅行，未见影响饮食业生意，「点解呢？系咪入嚟香港（的人）一定少过出去？系咪香港人出咗去使晒钱，返嚟就冇钱食嘢呢？」佢指政府放宽「0+3」后，各行各业都受惠，「最多无大增长，一定唔会唔见生意。」
翻查资料，黄杰龙同黄家和都批评过「0+3」会影响食肆生意。黄杰龙昨日喺电台节目回应：「我几肯定佢唔系闹我，就算系我都唔介意，因为佢系长辈俾长辈闹好平常。其实我都想佢讲得啱，最好生意冇影响。如果俾佢闹吓就有生意，我日日俾佢闹都冇所谓。」黄家和就同Kelly讲，「我唔知佢（张宇人）系指边个，但我就绝对唔系要扮乜乜物物」，强调维持个人睇法，就系「0+3」会拖累全港经济。
Kelly Chu
更多文章
