Jacky哥 - 打工仔最想知：点先可以做少啲呢？｜企业热话
李飞帆
2022-09-29 00:00 HKT
字体大小
作为打工仔，试问边个唔想做少啲、唔使做？最近同煤气公司企业物料供应及行政总监李健明（Felix）倾计，佢有个好得意嘅工作理念就系：「如果你讨厌手头上其中一项工作，最好谂吓有咩方法，令你第二朝返嚟唔使做（呢样嘢）。」
Felix从事采购同供应链工作已经超过30年，一毕业由仓务做起，每日谂点样听日返工可以做少啲。讲起仓务，佢话当时公司规划喺北角起一栋全新嘅煤气大厦，𠮶时佢同英国顾问去倾，帮手谂成个货仓嘅设计同建造。
喺货仓落成之后，Felix见到仓无电脑，就提议「不如整部电脑啦，做吓Excel都好嘛」，咁就开始将啲数入落电脑做纪录。喺仓搬嘢太辛苦？佢就积极谂啲创新方法提升效率。就如近呢几年，同事建议引入新型识跟住人走嘅「Follow-me铲车」同「真空搬货吸盘机」，仲有AGV自动分货系统同手机应用程式等，令大家「用少啲力，做多啲嘢」。后来去做采购，要由内到外咁照顾成间公司嘅需要，小至帮同事采购文具、蒸馏水、咖啡豆；大至帮公司业务拣供应商，进口天然气，甚至系煤气管道，都由部门一手包办。买公司物资就简单啲，同供应商倾好物流安排同价钱之后，同事只要喺网上落单同收货就得；买煤气原材料就复杂得多，要睇吓边度有原材料，价钱系现货价定有数计，仲有应变措施、合约详情等。依家仲多咗样考虑─ESG（Environmental, Social and Governance）。以前大家出街买嘢，只着重价钱同质素，但近年亦开始会睇埋系咪认同商家嘅价值观。煤气公司都一样，会考虑价钱以外嘅元素，当中最重要嘅就系供应商喺环保方面做成点。佢哋希望合作嘅供应商都会控制同减少碳排放，但每次向供应商攞环保表现数据都花唔少时间，有同事就提出用科技简化成件事。于是，公司最新试用由SGS团队开发、喺Microsoft Azure运行嘅平台─S-Carbon系统，鼓励供应商上载同汇报碳排放相关资料。比较进步嘅供应商可以上载详细资料，但一啲啱啱起步嘅，就可以简单提供用电量同业务性质。平台会结合其他大数据，估算出唔同供应商每年嘅碳排放。
Felix话煤气公司系亚洲地区第一间应用呢个系统嘅公用事业机构，当然想喺推动环保方面行得愈前愈好！呢啲就要靠同事不断创新，大家齐齐做少啲，但做好啲！
Jacky哥
能源百科
面书专页
Felix从事采购同供应链工作已经超过30年，一毕业由仓务做起，每日谂点样听日返工可以做少啲。讲起仓务，佢话当时公司规划喺北角起一栋全新嘅煤气大厦，𠮶时佢同英国顾问去倾，帮手谂成个货仓嘅设计同建造。
喺货仓落成之后，Felix见到仓无电脑，就提议「不如整部电脑啦，做吓Excel都好嘛」，咁就开始将啲数入落电脑做纪录。喺仓搬嘢太辛苦？佢就积极谂啲创新方法提升效率。就如近呢几年，同事建议引入新型识跟住人走嘅「Follow-me铲车」同「真空搬货吸盘机」，仲有AGV自动分货系统同手机应用程式等，令大家「用少啲力，做多啲嘢」。后来去做采购，要由内到外咁照顾成间公司嘅需要，小至帮同事采购文具、蒸馏水、咖啡豆；大至帮公司业务拣供应商，进口天然气，甚至系煤气管道，都由部门一手包办。买公司物资就简单啲，同供应商倾好物流安排同价钱之后，同事只要喺网上落单同收货就得；买煤气原材料就复杂得多，要睇吓边度有原材料，价钱系现货价定有数计，仲有应变措施、合约详情等。依家仲多咗样考虑─ESG（Environmental, Social and Governance）。以前大家出街买嘢，只着重价钱同质素，但近年亦开始会睇埋系咪认同商家嘅价值观。煤气公司都一样，会考虑价钱以外嘅元素，当中最重要嘅就系供应商喺环保方面做成点。佢哋希望合作嘅供应商都会控制同减少碳排放，但每次向供应商攞环保表现数据都花唔少时间，有同事就提出用科技简化成件事。于是，公司最新试用由SGS团队开发、喺Microsoft Azure运行嘅平台─S-Carbon系统，鼓励供应商上载同汇报碳排放相关资料。比较进步嘅供应商可以上载详细资料，但一啲啱啱起步嘅，就可以简单提供用电量同业务性质。平台会结合其他大数据，估算出唔同供应商每年嘅碳排放。
Felix话煤气公司系亚洲地区第一间应用呢个系统嘅公用事业机构，当然想喺推动环保方面行得愈前愈好！呢啲就要靠同事不断创新，大家齐齐做少啲，但做好啲！
Jacky哥
最Hit
更多文章
