曾智华 - 赶瘟神也被一刀切掉｜禄禄无穷
曾智华
2022-09-02 00:00 HKT
字體大小
前日，打开《头条日报》及《星岛日报》，两皆大版报道国家副总理韩正指示——中央撑港拓畅通国际联系！
讲，就掷地有声。但实际呢？真系惨！马时亨刚刚周游列国回来，低叹香港被「揿住抢」！抢乜？抢人才、抢钱财！原因，唔使小弟再解释喇啩？
不单止，近日与体育界老友晚饭，又系喷到成枱苦水。点解？又系大家心照。如今，香港乜嘢盛事都唔准搞。喂喂，国际体育盛事，你估得香港可以搞咩？你唔搞，一年系咁，两年又系咁，如今，踏入第三年，个个国际城市开放晒，唔「抢嘢」就奇，真系绝不手软㗎。
于是，抢吓一项，抢吓又一项，连国际龙舟赛都分分钟冇埋，情何以堪？
搞搞吓，如今只剩国际七人榄球赛及渣打马拉松⋯⋯唉，主办单位你估同香港有亲咩，若又有其他大城市提供更好条件，咁⋯⋯香港所有国际体育盛事，分分钟被「剥光猪」！
更弊，如今因防疫而乜都话唔准做，搞到最离奇，连中国人赶瘟神的习俗舞火龙也被迫冚旗，都唔知有乜科学根据及逻辑。难怪已经组织到埋门一脚的大坑及薄扶林村班老叔父，火都嚟埋，㷫过焫鸡。
中秋舞火龙，正是驱赶瘟疫，有一百四十多年传统，无论实质及心理上皆帮到居民，故才可维持久远而不衰。如今又被一刀切掉，条气点顺啊大佬？
曾智华
讲，就掷地有声。但实际呢？真系惨！马时亨刚刚周游列国回来，低叹香港被「揿住抢」！抢乜？抢人才、抢钱财！原因，唔使小弟再解释喇啩？
不单止，近日与体育界老友晚饭，又系喷到成枱苦水。点解？又系大家心照。如今，香港乜嘢盛事都唔准搞。喂喂，国际体育盛事，你估得香港可以搞咩？你唔搞，一年系咁，两年又系咁，如今，踏入第三年，个个国际城市开放晒，唔「抢嘢」就奇，真系绝不手软㗎。
于是，抢吓一项，抢吓又一项，连国际龙舟赛都分分钟冇埋，情何以堪？
搞搞吓，如今只剩国际七人榄球赛及渣打马拉松⋯⋯唉，主办单位你估同香港有亲咩，若又有其他大城市提供更好条件，咁⋯⋯香港所有国际体育盛事，分分钟被「剥光猪」！
更弊，如今因防疫而乜都话唔准做，搞到最离奇，连中国人赶瘟神的习俗舞火龙也被迫冚旗，都唔知有乜科学根据及逻辑。难怪已经组织到埋门一脚的大坑及薄扶林村班老叔父，火都嚟埋，㷫过焫鸡。
中秋舞火龙，正是驱赶瘟疫，有一百四十多年传统，无论实质及心理上皆帮到居民，故才可维持久远而不衰。如今又被一刀切掉，条气点顺啊大佬？
曾智华
最Hit
连锁酒楼被指乱收茶位、小食！醒目食客Check单揭发「5位变10位」：听唔到一句唔好意思
2025-11-18 13:10 HKT
$18起搭船过澳门！金光飞航快闪优惠 上环至氹仔码头 周末夜航同价 再送上网卡
2025-11-18 11:42 HKT
更多文章
