曾智华 - 点舍得饮呀｜禄禄无穷
曾智华
2022-08-31 00:00 HKT
字體大小
「小白」曾展乃「快乐传媒老是佛」一员 ，每个月聚会。佢不时都孭住个袋到场，然后拉埋我一边，静静鸡讲：「肥碌，我老婆畀你！」
佢老婆边个？正是「大姐明」林建明！凡知佢老公见我，不时都会托送呢样𠮶样，前晚，又送两支有佢个靓样的红白酒。
哗！咁有纪念价值，点舍得饮呀？
点解成日送嘢畀小弟？当然有缘有故，一切似是上天安排。因为，假若二○○七年佢冇遇上我，应该已经死咗！
故事开始，我在七十年代尾加入广播界后，疯狂工作，同时顶三份，又电台又电视又四围搞各式活动。长期高压工作下（绝对自愿，自己攞嚟！ ），终在九二年患上惊恐症。基于当年冇人知系乜，冇睇医生，冇食药，终于，慢慢演变为抑郁症，精神系统不胜负荷下，开始深度抑郁。
凡患此症者（大家可以到网上查），若冇适当治疗，通常都会自杀了结生命。因实在苦不堪言，长期处于无望黑洞，再没求生意志。
我幸而在二○○五年找到一种血清素，改善脑部失调，从日日夜夜「想死」边缘康复过来。
再返电台开咪，度新节目，脑内闪出大姐明，遂约佢见面倾倾。
「智华，我想死呀……」讲出状况，正是深度抑郁。幸而遇上过来人，小弟立即游说佢快揾医生，并作康复见证。终又救回一个准备自杀的人。
曾智华
佢老婆边个？正是「大姐明」林建明！凡知佢老公见我，不时都会托送呢样𠮶样，前晚，又送两支有佢个靓样的红白酒。
哗！咁有纪念价值，点舍得饮呀？
点解成日送嘢畀小弟？当然有缘有故，一切似是上天安排。因为，假若二○○七年佢冇遇上我，应该已经死咗！
故事开始，我在七十年代尾加入广播界后，疯狂工作，同时顶三份，又电台又电视又四围搞各式活动。长期高压工作下（绝对自愿，自己攞嚟！ ），终在九二年患上惊恐症。基于当年冇人知系乜，冇睇医生，冇食药，终于，慢慢演变为抑郁症，精神系统不胜负荷下，开始深度抑郁。
凡患此症者（大家可以到网上查），若冇适当治疗，通常都会自杀了结生命。因实在苦不堪言，长期处于无望黑洞，再没求生意志。
我幸而在二○○五年找到一种血清素，改善脑部失调，从日日夜夜「想死」边缘康复过来。
再返电台开咪，度新节目，脑内闪出大姐明，遂约佢见面倾倾。
「智华，我想死呀……」讲出状况，正是深度抑郁。幸而遇上过来人，小弟立即游说佢快揾医生，并作康复见证。终又救回一个准备自杀的人。
曾智华
更多文章
