曾智华 - 通胀绝对非必然｜禄禄无穷
曾智华
2022-08-24 00:00 HKT
字体大小
经常听到人呻，乜都贵晒！究竟系真唔系真？真咗大半，但也有不少商品，不但冇贵到，反而平咗。
简单，你近日买二手楼就知，不但平过早几年，兼且，个价任你锄，够胆还分分钟比三年前平两成！
又例如报纸。《头条日报》根本免费任睇，实体及网上皆如是，斗零都冇收你。
就算《星岛日报》，话你知，我买几钱吖——七蚊鸡！因为土瓜湾平一蚊，另外，在本报又或上网download coupon，又平两蚊。
几百人搞张报纸，日日几十担心血，一个斋包咁价钱已经买到，叹足两小时，真系唔知乜嘢世界，点解可以平成咁？
另外，小弟朝朝T恤短裤，早餐完晨运，回家冲凉再换另一件。正常日子，一日穿两件，夏天换多次，三件。故此， T恤消耗量，非常劲。粗着，当然唔会买运动名牌Nike或Lululemon。最好买连锁集团月下货。
小弟呢类阿叔，但求够阔够舒服、嗦汗，设计有冇型、图案如何，一律冇研究之至。
一到八月，间间大减价，我则锁定U记，因质料较好，而且……真系讲都唔信，过去十年，根本好似通胀与呢个集团无关。总之，一到八月就跳楼价——三十九蚊鸡一件。
骑骑，此时，我一买，不是一两件，而是一打，十二件！四百蚊有找！边有通胀呀？
曾智华
简单，你近日买二手楼就知，不但平过早几年，兼且，个价任你锄，够胆还分分钟比三年前平两成！
又例如报纸。《头条日报》根本免费任睇，实体及网上皆如是，斗零都冇收你。
就算《星岛日报》，话你知，我买几钱吖——七蚊鸡！因为土瓜湾平一蚊，另外，在本报又或上网download coupon，又平两蚊。
几百人搞张报纸，日日几十担心血，一个斋包咁价钱已经买到，叹足两小时，真系唔知乜嘢世界，点解可以平成咁？
另外，小弟朝朝T恤短裤，早餐完晨运，回家冲凉再换另一件。正常日子，一日穿两件，夏天换多次，三件。故此， T恤消耗量，非常劲。粗着，当然唔会买运动名牌Nike或Lululemon。最好买连锁集团月下货。
小弟呢类阿叔，但求够阔够舒服、嗦汗，设计有冇型、图案如何，一律冇研究之至。
一到八月，间间大减价，我则锁定U记，因质料较好，而且……真系讲都唔信，过去十年，根本好似通胀与呢个集团无关。总之，一到八月就跳楼价——三十九蚊鸡一件。
骑骑，此时，我一买，不是一两件，而是一打，十二件！四百蚊有找！边有通胀呀？
曾智华
更多文章
