曾智华 - 一于瞓身买银债｜禄禄无穷
曾智华
2022-08-16 00:00 HKT
字体大小
喂喂，我话我咋，冇叫你照做啊！香港咁多投资叻仔叻女、少年股神、网上专家……全部「战绩辉煌」，小弟绝不敢教人。
只不过，见证今年个个有头有面的真正股神级人马，全部蚀到一仆一碌，故才自己提醒自己，千祈咪乱博，一于揿地游水，将所有闲钱瞓落银债。起码未来三年，年年坐收最少四厘或以上利息，晚晚可以大觉瞓，只谂收到的息用嚟玩乜矣。
历史上从未见过似今年咁，个个专家全部输到瞓街。金管局唔使讲嘞，用晒最好的国际顶级基金经理，仍然上半年蒸发一千四百四十七亿（港元，下同）。
多年来，一直俾人神咁拜的软银创办人孙正义，又系蚀到喊，受「新科技股」（大陷阱！）拖累，上季狂蚀一千八百三十八亿，真系眼光光似被迫灌猪肉汤，吓到捧场客目瞪口呆。
股神巴菲特又如何？第二季真系仆到直，蚀五千二百亿。
连股神都搞成咁，等而下之的「乜乜女股神」Cathie Wood，可思过半矣。
小弟二十年前已被某智者扑醒——记住，切勿成日挂住投资。因为，大部份时候，唔投资就是最佳投资，起码立于不败之地！
人，有钱就会身痕，既然唔投资会似有蚁咬 （我都有少少㗎！），咁，为策「棺材本」安全，一于下周全将闲钱瞓落银债。然后，冬眠一年，睇睇个世界变成点先。
曾智华
只不过，见证今年个个有头有面的真正股神级人马，全部蚀到一仆一碌，故才自己提醒自己，千祈咪乱博，一于揿地游水，将所有闲钱瞓落银债。起码未来三年，年年坐收最少四厘或以上利息，晚晚可以大觉瞓，只谂收到的息用嚟玩乜矣。
历史上从未见过似今年咁，个个专家全部输到瞓街。金管局唔使讲嘞，用晒最好的国际顶级基金经理，仍然上半年蒸发一千四百四十七亿（港元，下同）。
多年来，一直俾人神咁拜的软银创办人孙正义，又系蚀到喊，受「新科技股」（大陷阱！）拖累，上季狂蚀一千八百三十八亿，真系眼光光似被迫灌猪肉汤，吓到捧场客目瞪口呆。
股神巴菲特又如何？第二季真系仆到直，蚀五千二百亿。
连股神都搞成咁，等而下之的「乜乜女股神」Cathie Wood，可思过半矣。
小弟二十年前已被某智者扑醒——记住，切勿成日挂住投资。因为，大部份时候，唔投资就是最佳投资，起码立于不败之地！
人，有钱就会身痕，既然唔投资会似有蚁咬 （我都有少少㗎！），咁，为策「棺材本」安全，一于下周全将闲钱瞓落银债。然后，冬眠一年，睇睇个世界变成点先。
曾智华
更多文章
