曾智华 - 林郑去咗英国？｜禄禄无穷
曾智华
2022-07-18 00:00 HKT
字体大小
上周五「好好彩」中咗（中咗乜？你话呢？），不时要饮水。周日凌晨三点，又爬起床饮。心思思睇睇手机。咦，过瘾，「线人N」刚刚传来：前著名记者黄XX社交平台报道——据了解，林郑月娥及林兆波在英国伦敦机场现身。消息人士指，二人在Terminal 5登上Heathrow Express。消息人士又指，林兆波唔戴口罩，林郑则戴上普通外科口罩，旁边有怀疑保镳。
哗……大消息！基于传媒敏感度（即系八卦！），唔理乜钟数，即时将讯息传畀香港顶级「消息专家」，引证一下。
专家朝朝五点起床去打golf，果然极速权威回应：「碌Sir，此乃废话！昨晚刚在沙田《声辉粤剧展演2022》见到林郑，佢有分身术咩！」
一个就话「消息人士指出」、「据了解」。一个就实牙实齿见到林郑月娥现身，大家同场。咁，你信边个呢？
所以，做新闻，真系有啲危险。公信力要经年累月建立，但可能一两单流料「据闻」已摧毁自己及机构形象。
人人都知「林郑」仍非常「性感」（sexy），绝对有新闻价值。包括佢同家人关系、住喺边、交几钱租、有冇买楼（若有，帮衬边个地产集团）、大量现金如何处置（买咗几多部数钞机）……
但是，不争朝夕，都系先fact check稳阵！
曾智华
哗……大消息！基于传媒敏感度（即系八卦！），唔理乜钟数，即时将讯息传畀香港顶级「消息专家」，引证一下。
专家朝朝五点起床去打golf，果然极速权威回应：「碌Sir，此乃废话！昨晚刚在沙田《声辉粤剧展演2022》见到林郑，佢有分身术咩！」
一个就话「消息人士指出」、「据了解」。一个就实牙实齿见到林郑月娥现身，大家同场。咁，你信边个呢？
所以，做新闻，真系有啲危险。公信力要经年累月建立，但可能一两单流料「据闻」已摧毁自己及机构形象。
人人都知「林郑」仍非常「性感」（sexy），绝对有新闻价值。包括佢同家人关系、住喺边、交几钱租、有冇买楼（若有，帮衬边个地产集团）、大量现金如何处置（买咗几多部数钞机）……
但是，不争朝夕，都系先fact check稳阵！
曾智华
最Hit
更多文章
