Jacky哥 - 煤气厂将唔只造煤气！｜企业热话

企业热话

李飞帆

2022-07-11 00:00 HKT

阅讀更多

生活专栏

內容

话你知，煤气厂好快就唔只造煤气，仲会造多一样嘢？要知答案，梗系揾返专业人士同大家分享啦！同专注生产煤气近40年嘅煤气公司燃气生产总经理、人称大埔煤气厂厂长嘅陈锦添Stephen倾计，佢话煤气由1967年开始已经冇用煤去生产，而配方由当时开始，主要嘅化学成分都冇太大改变。不过，煤气厂嘅工作都唔系十年如一日，每一次煤气原料有改动，厂房设备都需要upgrade！好似1970年代，就引入咗洁净嘅化石原料（石脑油），而1999年煤气公司就喺船湾建设新厂房，兼提升设备用堆填区沼气做煤气生产嘅其中一种燃料，成为香港第一间采用可再生能源嘅公司。后来去到2006年，仲引入最洁净嘅化石原料天然气作为原料，进一步减少碳排放。

Stephen仲话为咗帮香港再减碳，接到个最新任务：就系煤气厂将会发展造氢能！事源近年世界各国都向零碳目标进发，而「氢」就系一种完全「冇碳」嘅燃料，系超级环保能源。喺欧洲好多国家，例如英国同法国，用天然气咁多年之后，而家都想沟返10％氢气入去，用起上嚟再环保啲。睇返香港，用咗几十年嘅煤气配方其实已经有49％系氢气！欧洲国家想改良设备去运送高氢气含量燃料，呢啲技术香港已经用咗几十年！香港要发展氢能绝对有优势！

正如头先所讲，煤气成份入面，有接近一半系氢。即系世界趋之若鹜嘅氢能，原来就喺煤气之中。Stephen话近几个月佢哋日夜赶工，建造一个小型嘅氢提纯设备作测试，运用先进技术将煤气入面嘅氢抽取出嚟，不久将来就可以供应畀氢能巴士、氢能小轮使用。

虽然，喺煤气中抽取氢能并唔系最理想最环保嘅选择，暂时最好系用再生能源，例如太阳能或者风力发电将水电解，再抽取出氢，不过呢个做法成本超．级．贵！不过相信所有新技术都要循序渐进，希望煤气公司今次可以帮香港氢能发展踏出重要第一步，其后逐渐吸引更多专家进行氢能技术研究，最终就可以走向最环保零碳嘅绿氢时代啦！
Jacky哥