KellyChu - 「香港怀旧小食II」邮票饱眼福｜Executive日记
KellyChu
2022-05-12 00:00 HKT
字体大小
香港系世界知名的美食天堂，虽然寿司、紫菜包饭好正，不过讲到Kelly最爱，仍然系蛋挞、生菜鱼肉、格仔饼、龙须糖等嘅港式怀旧小食，款款都好有回忆。小妹知道香港邮政将发行「香港怀旧小食II」嘅特别邮票及邮品，相关邮品将喺二十六日推出啦，大家密切留意啦！
香港邮政继二○二一年「香港怀旧小食」特别邮票，今年续发行「香港怀旧小食II」一套六枚邮票及邮票小型张。
今次发行「香港怀旧小食II」嘅六枚邮票，香港邮政精心挑选了令人回味无穷嘅怀旧小食作邮票设计，例如蛋挞、生菜鱼肉、格仔饼、龙须糖、马仔及芝麻卷等，款款都令小妹留晒口水。
而邮票小型张的齿孔印有香港的英文缩写「HK」字样，小型张并展示三款经典小食，包括香气独特嘅臭豆腐、街知巷闻嘅烧卖和以独特方式售卖嘅飞机榄。
咁具代表性嘅邮票，小妹觉得值得入手一套作为收藏！提提大家，全线邮政局和网上购物坊「邮购网」今日发售「香港怀旧小食II」正式首日封，而呢套特别邮票及相关邮品将于五月二十六日起在各邮政局及「邮购网」发售。
Kelly Chu
最Hit
更多文章
