KellyChu - 港大取录三港运动员 各获40万奖学金｜Executive日记
KellyChu
2022-03-16 00:00 HKT
字體大小
运动才能，备受重视。香港大学话，取录咗三名香港运动员，其中连夺两项网球青少年大满贯冠军嘅黄泽林，获四十万奖学金，将修读工商管理学士课程。Kelly除咗欣赏佢嘅球技，仲被佢嘅阳光笑容迷倒。
另外两名同样获取录并得四十万元奖学金嘅年轻运动员，就系代表香港出战北京冬奥高山滑雪项目嘅翁厚全，佢会入读理学士课程。而喺49erFX亚洲锦标赛夺得银牌嘅帆船运动员Russell Williams Aylsworth，亦修读工商管理学学士课程。
三个人可享学费减免、生活及住宿奖学金、国际交流奖学金等，港大又提供个别学业辅导、弹性上学安排及体格训练等。黄泽林话，会争取喺成人网球国际赛事夺冠，亦希望取得大满贯同代表香港在奥运夺金。翁厚全话，滑雪生涯令佢对气候变化、海洋生态、运动科学等产生兴趣，期望日后喺滑雪上进步，争取下届冬季奥运会资格，又会与学校研究，喺读书及比赛中取得平衡。
Kelly Chu
更多文章
