洪礼贤 - 行街莫做 低头族｜Chok王心得
洪礼贤
2022-03-14 00:00 HKT
字体大小
马不停蹄，礼拜三又有九场谷草赛事，原本想写马，但因近日太多负面新闻，真的有感而发。CHOK王唔系想讲国家大事，而系想讲大家唔好喺街做低头族，一定要一眼关七、耳听八方。若果唔做好一个眉精眼企嘅路人，随时飞来横祸！试问边有人会谂到，坐喺PP竟然生命受到威胁，畀人打到危殆！
另外，这是个人亲身经历，有必要分享，并以此为鉴！虽然我有六呎高，一样会被贼人盯上！事缘喺某夜，自己一个行紧条长楼梯，该楼梯有两边Lane，当时我在左边Lane下行，迎面有个人喺隔篱Lane往上行，基于个人习惯，我不时会回头望，当时我见到那人转到我那边线（其实佢可以喺右边线下行），亦步亦趋跟随我，那一刻我决定停一停，结果该黑衣人也停步，并即刻企定扮玩手机，那一刻我见势色唔对，于是立刻拔足狂奔，走出光猛大街，而我见唔到那黑衣人继续向下行，肯定有景轰啦！我想，若果自己无回望，令该黑衣人打个突，可能佢已几步埋我身，到时开大开细好难讲！所以，喺街行，尤其夜麻麻，千祈要打醒十二分精神，久唔久回头望，绝对唔会有错。
洪礼贤
另外，这是个人亲身经历，有必要分享，并以此为鉴！虽然我有六呎高，一样会被贼人盯上！事缘喺某夜，自己一个行紧条长楼梯，该楼梯有两边Lane，当时我在左边Lane下行，迎面有个人喺隔篱Lane往上行，基于个人习惯，我不时会回头望，当时我见到那人转到我那边线（其实佢可以喺右边线下行），亦步亦趋跟随我，那一刻我决定停一停，结果该黑衣人也停步，并即刻企定扮玩手机，那一刻我见势色唔对，于是立刻拔足狂奔，走出光猛大街，而我见唔到那黑衣人继续向下行，肯定有景轰啦！我想，若果自己无回望，令该黑衣人打个突，可能佢已几步埋我身，到时开大开细好难讲！所以，喺街行，尤其夜麻麻，千祈要打醒十二分精神，久唔久回头望，绝对唔会有错。
洪礼贤
更多文章
