Executive日记——去圣诞派对要小心 女剑神甜蜜提示 记得向毒品Say No!
KellyChu
2021-12-24 00:00 HKT
字体大小
香港「剑击一姐」江旻憓，除咗打剑叻，笑容仲好甜美，形象健康，所以好多年轻人封呢位「可爱教主」做偶像。近日小妮子就拍咗一条短片，一边展露靓靓嘅笑容，一边提醒大家，圣诞新年去参加派对，小心有人将毒品包装成「人畜无害」，千祈唔好试。
呢段片喺圣诞节前推出，真系好合时宜。江旻憓话，喺大时大节，一班朋友去聚会派对，可能会遇上毒品嘅引诱，尤其系O依家毒品被包装成「人畜无害」，甚至系潮流玩意。但佢希望大家要记住，毒品就系毒品，除咗毒害身心，仲会累人坐好耐监，结果伤害埋真正爱你嘅屋企人，所以佢希望年轻人识得拒绝毒品，亦希望家长、老师和社会人士，用爱去支持我哋嘅年轻人。
跟住，江旻憓以好可爱嘅口脗叫口号：「一齐向毒品说不，活出精采健康人生。」呢条短片由惩教署媒体传讯组拍，仲鸣谢旻憓及其母亲，Kelly说声多谢，年轻人记住听话啦！
Kelly Chu
呢段片喺圣诞节前推出，真系好合时宜。江旻憓话，喺大时大节，一班朋友去聚会派对，可能会遇上毒品嘅引诱，尤其系O依家毒品被包装成「人畜无害」，甚至系潮流玩意。但佢希望大家要记住，毒品就系毒品，除咗毒害身心，仲会累人坐好耐监，结果伤害埋真正爱你嘅屋企人，所以佢希望年轻人识得拒绝毒品，亦希望家长、老师和社会人士，用爱去支持我哋嘅年轻人。
跟住，江旻憓以好可爱嘅口脗叫口号：「一齐向毒品说不，活出精采健康人生。」呢条短片由惩教署媒体传讯组拍，仲鸣谢旻憓及其母亲，Kelly说声多谢，年轻人记住听话啦！
Kelly Chu
更多文章
