Executive日记——18星级中厨Omakase 美酒佳肴全城热捧
KellyChu
2021-11-09 09:32 HKT
字体大小
美酒佳肴节复办，Kelly同一众美食、品酒KOL不知几开心，一齐去撑。今年旅发局首创全城十八位名厨「中菜Omakase」，大家柴娃娃先去卅二公馆找星级大厨李文星，由佢精选时令食材入馔，加上配酒，人人尽兴。听讲「中菜发办」呢条桥好受食客欢迎，订位理想。
正值大闸蟹当造，李文星师傅炮制蟹斗焗鱼米同蟹粉葱油面，查小欣同Cally Tong大赞好味，李师傅见两个熟客咁开心，即时加送两碟特色小食，分别系啫喱蟹肉丝同牛肉丝，小妹真有食福。有美食当然要有靓酒，席上二红一百，酒评人黄诗诗详细介绍产地、葡萄、酒香、酒体等，如数家珍，Kelly学到唔少嘢。播音王子郭志仁对品酒好有心得，小妹当然趁机向佢请教请教啦！
食饱，大家起动，下一个节目「游酒香港自助行」，只要买一张电子品味通行证，就可以去五十间名店任选靓酒。一行人先去PMQ嘅Sake Central，饮完花香醉人嘅米酒，见个场咁靓，即刻同旅发局活动搞手包括Cynthia、Alice同Janet打卡留念，庆贺美酒佳肴节复办，俾公众开开心心参与，过一个快乐嘅十一月。其后去H CODE大厦地下嘅Tell Camellia叹特色鸡美酒，款款特别，小妹试咗意大利果仁配松露gin，别处所无，个场又好靓，真系要同朋友再来举杯畅饮，奖赏自己一年来嘅辛劳先得。
Kelly Chu
■一众美食、品酒KOL去卅二公馆，试试李文星大厨嘅发办套餐。
正值大闸蟹当造，李文星师傅炮制蟹斗焗鱼米同蟹粉葱油面，查小欣同Cally Tong大赞好味，李师傅见两个熟客咁开心，即时加送两碟特色小食，分别系啫喱蟹肉丝同牛肉丝，小妹真有食福。有美食当然要有靓酒，席上二红一百，酒评人黄诗诗详细介绍产地、葡萄、酒香、酒体等，如数家珍，Kelly学到唔少嘢。播音王子郭志仁对品酒好有心得，小妹当然趁机向佢请教请教啦！
食饱，大家起动，下一个节目「游酒香港自助行」，只要买一张电子品味通行证，就可以去五十间名店任选靓酒。一行人先去PMQ嘅Sake Central，饮完花香醉人嘅米酒，见个场咁靓，即刻同旅发局活动搞手包括Cynthia、Alice同Janet打卡留念，庆贺美酒佳肴节复办，俾公众开开心心参与，过一个快乐嘅十一月。其后去H CODE大厦地下嘅Tell Camellia叹特色鸡美酒，款款特别，小妹试咗意大利果仁配松露gin，别处所无，个场又好靓，真系要同朋友再来举杯畅饮，奖赏自己一年来嘅辛劳先得。
Kelly Chu
更多文章
