Executive日记——中环街市美食多箩箩 香脆鸡蛋仔即叫即整
KellyChu
2021-08-27 04:19 HKT
字体大小
等咗好多年，中环街市活化重开，好多人为咗睇昔日嘅建筑，或者缅怀何藩大师嘅摄影，来重游旧地，但为食嘅Kelly就去揾食啦，昨午到埗，哗！人山人海，大小食店都爆满。小妹调整策略，实行扫街，发现美食多箩箩，有妈咪鸡蛋仔、超群嘅彩虹蛋糕、如心酒店嘅超好味蝴蝶酥。
中环街市重开几日，唔单止吸引中环OL，各区市民都来打卡，仲发觉呢个占地三层共十二万呎嘅新场，有成过百间零售店同食肆。Kelly最为食，发现选择多不胜数，有香港地道嘅粉面档、樽仔奶茶、杏仁茶等，更有新派之作，其中获米之莲嘅街头小食不少，好似妈咪鸡蛋仔同格仔饼，口味超过二十款，款款即叫即整，好香脆可口呀！
1966烘焙联盟系超群饼店旗下嘅品牌，专卖传统同新派挞，好似抹茶流心挞、朱古力流心挞等，仲有好出名嘅冬甩松饼，不过最吸引小妹眼球嘅系彩虹蛋糕，颜色鲜艳，靓都唔舍得食。仲有如心酒店嘅蝴蝶酥，系我心目中最正嘅本地制作，只系估唔到佢哋嘅拿破仑同其他甜品都正到无话可说。
据中环街市管理人员介绍，食有好多选择外，仲有好多本地商品，包括传统老店、港人设计潮物、香港品牌、环保用品等，希望推广「香港制造」，实体做法，系管理部门会负责舖位所有设备用牌照申请，等啲租户拉个箧来，货品上架就可以做生意，租约期可以短至六个月，等啲后生仔尝试创业，真系好有心。
Kelly Chu
■如心酒店甜点好吸引！
中环街市重开几日，唔单止吸引中环OL，各区市民都来打卡，仲发觉呢个占地三层共十二万呎嘅新场，有成过百间零售店同食肆。Kelly最为食，发现选择多不胜数，有香港地道嘅粉面档、樽仔奶茶、杏仁茶等，更有新派之作，其中获米之莲嘅街头小食不少，好似妈咪鸡蛋仔同格仔饼，口味超过二十款，款款即叫即整，好香脆可口呀！
1966烘焙联盟系超群饼店旗下嘅品牌，专卖传统同新派挞，好似抹茶流心挞、朱古力流心挞等，仲有好出名嘅冬甩松饼，不过最吸引小妹眼球嘅系彩虹蛋糕，颜色鲜艳，靓都唔舍得食。仲有如心酒店嘅蝴蝶酥，系我心目中最正嘅本地制作，只系估唔到佢哋嘅拿破仑同其他甜品都正到无话可说。
据中环街市管理人员介绍，食有好多选择外，仲有好多本地商品，包括传统老店、港人设计潮物、香港品牌、环保用品等，希望推广「香港制造」，实体做法，系管理部门会负责舖位所有设备用牌照申请，等啲租户拉个箧来，货品上架就可以做生意，租约期可以短至六个月，等啲后生仔尝试创业，真系好有心。
Kelly Chu
更多文章
