商界讲呢啲——带狗狗去睇艺术展
Cally
2021-07-05 04:17 HKT
字体大小
想同狗狗一齐行美术馆？而家有机会喇，北角汇由即日起至8月31日，为大家带嚟全港首个属于狗狗嘅当代艺术馆《爱犬美术馆》，仲邀请到美国现代艺术家蜜雪儿．凯克（Michel Keck）举行亚洲首展，50只唔同品种嘅狗狗仲会化身成为Michel创作下嘅原始抽象画主角，作品会分布喺商场1至3期嘅四大专区里面，欢迎狗主陪同自己嘅毛孩一齐嚟打卡「相认」。当中位于2期嘅专区仲打造不一样嘅宠物犬友善空间—「狗狗互动艺术体验馆」。馆方咨询有关犬只行为科学、安全同空间设计嘅意见之后，等狗狗可以从视觉、听觉同触觉3大感官探索艺术，喺指定范围里面，狗狗仲可以「踩场」，走出宠物车/宠物袋，喺主人引领之下，一齐畅游艺术馆，除咗平面画作，仲设立多组立体艺术装置，等主人发掘佢哋嘅艺术天份。想同狗狗一齐参加，方法好简单，The Point会员只需要凭300分可换领《爱犬．美术馆》互动艺术体验区「电子入场预留证」一张，凭「预留证」喺所选活动时段到达体验区登记处出示场内以电子货币单一消费满HK$200嘅消费单据，咁就可以最多带2人同1只宠物犬同时进入体验区喇，每次每次限时20分钟。仲唔快啲带狗狗一齐去睇展览！
Cally
Cally
最Hit
公屋租户北上避年长住要小心！离港逾X个月恐被房署收楼？瞒报物业最多判囚6个月
2026-01-13 15:54 HKT
北上悭钱「上水出闸」大法失效？港男实测竟反贵3.6% 网民热议原因嘲：你系咪外国返嚟？｜Juicy叮
2026-01-13 16:42 HKT
更多文章
