Executive日记——肚兜美女炒餸吸睛 名店斟紧下次合作

  呢排中环老字号蛇王芬成为话题,事关有一段短片喺网上疯传,显示厨房内有一个美女大厨着住小肚兜抛镬炒菜,镬气四溢。Kelly八卦,问过蛇王芬嘅负责人,佢话个女厨师系一次素食晚宴到来客串嘅,而个活动完咗成个月啦,仍然有好多客人问起。
  短片显示,呢位美女一手提着大铁炒镬,一手拿着大镬铲,爆炒功夫了得,美食好吸引,但最吸睛系佢穿着露背小肚兜喺火炉前炒菜。佢名叫吕康玲(Sam),毕业于美国名牌学府哥伦比亚大学,系一位高材生,钟意入厨,系一名素食者,间唔中会落厨炮制佳肴美食,同家人同朋友分享。
  蛇王芬负责人话,四月蛇王芬同OmniFoods合作,用新猪肉植物食材做主题,做出六道菜嘅限定晚宴,烹调具传统风味嘅镬气小炒,阿Sam嚟客串,喺八晚做咗六十几张枱,其中一晚请VIP来,估计阿Sam着得潮啲,等客人影相留念。佢话,个活动完咗成个月仲有人问,会同OmniFoods倾吓,会唔会喺沙田「四季芬芳」再搞类似素食宴,或者可能再见到阿Sam来献艺。
Kelly Chu



更多文章