Executive日记——「糟糕湾」劣食层出不穷 隔离市民瘦咗几公斤
KellyChu
2021-05-13 04:16 HKT
字體大小
竹篙湾检疫中心膳食差到一个点，接受检疫嘅市民嬲到爆，即使换咗之前「粟米肉砖饭」供应商，但市民批评新供应商一样系劣食，好似番茄意粉，竟然系无汁、无盐、无油嘅「三无添加」白烚意粉，仲有雪藏味好劲嘅肉，令人谂起「僵尸肉」，爆料者形容入营二十一天「无啖好食」，「放监」后瘦咗几公斤！Kelly听见到打个震，当局搞到「竹篙湾」变「糟糕湾」！
市民陈小姐早前被列为变种病毒确诊人士嘅密切接触者，入竹篙湾检疫中心隔离二十一天，入去前已有心理准备食物好差，点知超乎想像，「无谂过难食到咁」，番茄意大利面系无汁、无盐、无油的「无添加」白烚意粉，「都有几粒好细嘅番茄，无违反《商品说明条例》」，大部份肉类一阵浓烈嘅雪藏味，疑系急冻存放多年嘅「僵尸肉」，应该冇将肉类「飞水」除去雪藏味，「唔知呢位厨师敢唔敢食自己煮嘅嘢？」
仲离谱嘅系，陈小姐指某天收到好像曾经被老鼠偷吃、爆壳兼且甩掉部份蛋白的水煮鸡蛋。至于蔬菜，一日三餐系白烚椰菜同红萝卜，「食到厌，监狱都会换下菜单卦！」佢唯有进食自行带备嘅饼干同跟餐嘅水果，结果「强逼瘦身！」离营时瘦咗几公斤。
Kelly Chu
市民陈小姐早前被列为变种病毒确诊人士嘅密切接触者，入竹篙湾检疫中心隔离二十一天，入去前已有心理准备食物好差，点知超乎想像，「无谂过难食到咁」，番茄意大利面系无汁、无盐、无油的「无添加」白烚意粉，「都有几粒好细嘅番茄，无违反《商品说明条例》」，大部份肉类一阵浓烈嘅雪藏味，疑系急冻存放多年嘅「僵尸肉」，应该冇将肉类「飞水」除去雪藏味，「唔知呢位厨师敢唔敢食自己煮嘅嘢？」
仲离谱嘅系，陈小姐指某天收到好像曾经被老鼠偷吃、爆壳兼且甩掉部份蛋白的水煮鸡蛋。至于蔬菜，一日三餐系白烚椰菜同红萝卜，「食到厌，监狱都会换下菜单卦！」佢唯有进食自行带备嘅饼干同跟餐嘅水果，结果「强逼瘦身！」离营时瘦咗几公斤。
Kelly Chu
最Hit
更多文章
