Executive日记——褚简宁减工作享受人生 续独家为《头条》写专栏
KellyChu
2021-04-21 04:17 HKT
字體大小
资深传媒人褚简宁(Michael Chugani)曾任英文报章嘅老总，近年以评论员同专栏作家身份，成为跨媒体嘅KOL，好受欢迎。但佢同Kelly讲，工作多年，觉得burnt out（好攰好攰咁解），想休息吓，所以一次过决定停止为电视做访谈节目，亦不再为一英一中报章写专栏，但佢知好多读者喜欢佢以新闻教英文，所以会继续独家为《头条日报》撰写《又中又英》专栏。
褚简宁系Kelly好朋友，相识多年，佢昨天通知小妹，话系时候畀多啲时间自己，所以佢昨晚主持完无线明珠台嘅Straight Talk节目之后，就会同电视观众告别，而喺无线嘅讲新闻学英文小环节亦停止。同一时间，佢喺《信报》同《南华早报》嘅专栏亦与读者说声再见。不过，佢知道《头条》读者众多，大家又钟意跟佢一边睇时事一边学英文，所以佢会继续为《头条》撰写《又中又英》专栏。小妹知道呢个专栏受欢迎程度好高，o依家只系《头条》睇到，大家逢周二及周四留意啦！
褚简宁话，佢减少工作后，会多啲行山，又想追番好多Netflix嘅剧集，仲有佢一直无时间学煮食，将会试吓下厨，仲话自己单身，如果遇上有女士想试吓佢嘅菜式，或者佢觉得有缘，话唔定会追求下。
Kelly Chu
褚简宁系Kelly好朋友，相识多年，佢昨天通知小妹，话系时候畀多啲时间自己，所以佢昨晚主持完无线明珠台嘅Straight Talk节目之后，就会同电视观众告别，而喺无线嘅讲新闻学英文小环节亦停止。同一时间，佢喺《信报》同《南华早报》嘅专栏亦与读者说声再见。不过，佢知道《头条》读者众多，大家又钟意跟佢一边睇时事一边学英文，所以佢会继续为《头条》撰写《又中又英》专栏。小妹知道呢个专栏受欢迎程度好高，o依家只系《头条》睇到，大家逢周二及周四留意啦！
褚简宁话，佢减少工作后，会多啲行山，又想追番好多Netflix嘅剧集，仲有佢一直无时间学煮食，将会试吓下厨，仲话自己单身，如果遇上有女士想试吓佢嘅菜式，或者佢觉得有缘，话唔定会追求下。
Kelly Chu
最Hit
更多文章
