商界讲呢啲——东港城花市限定店开催支持本地花农实体店‧网上优惠齐齐发放

商界讲呢啲

Cally

2021-01-18 04:16 HKT

阅讀更多

生活专栏

內容

农历新年梗系要行花市啦，不过今年因为疫情关系而取消咗，为咗方便市民买花，同支持本地花农，东港城由1月22日开始，推出新春花市限定店，展期仲加长至21天，等大家可以慢慢拣适合自己嘅年花。今年东港城继续同香港兰花大王、千叶园始创人杨小龙同香港年花大王、香港鲜花盆栽批发商会主席赖荣春合作，推出多款经典优雅嘅兰花同年花，当中仲有第一次推出嘅12款本地培植时令兰花，包括5款全新培植瞩目兰花、日本皇室兰花升华系列及性价比极高的兰花入门推介等，更有多款东港城独家发售，真系睇到人心花怒放㗎！
　　赖先生讲今年会喺限定店中加推年花数量，品种更多样化，以吸纳唔同客群，借此减少取消年宵带来的影响。杨先生就话因应今年年宵市场暂停，所以佢哋将更多兰花送至东港城新春花市限定店发售，方便市民选购，加上延长展期，希望能喺商场限定店中收复失地；而且佢仲介绍咗5款新兰花，分别系「团团圆圆迷」、「一笑百媚」、「万人迷」、「天之骄子迷」、「春碧桃」，大家去到记得要望一下！
　　疫情之下，佢哋都照顾好周到，落到花市限定店，大家可以用电子支付系统买花，而且仲设有「年花宅急便」服务，喺场内商户购买年货满指定金额，商场即安排送货服务。另外，东港城仲推出Facebook Live，有多盆兰花会以限时优惠放送，庆祝东港城新春花市限定店踏入十五周年。佢哋仲请嚟著名堪舆学家麦玲玲师傅上嚟指点大家喺新一年点样用兰花催旺运势。
　　为咗令大家都可以过一个开开心心嘅肥年，商场今年仲大送300株开运兰花，包括一连三个星期六，有150株$8蚊开运花「花蝶仙子」畀The Point会员，仲额外加送150株矜贵兰花「明日之星」畀会员换领，真系千载「兰」逢。
　　东港城新春花市限定店会喺1月22日至2月11日，上午11时至晚上9时喺东港城1楼117-118号舖，想了解多啲，记得密切留意东港城Facebook喇！
Cally