企业热话——鸿哥推出急冻食品包 正！
李飞帆
2020-12-03 04:16 HKT
字体大小
喺北角好有名嘅鸿哥，十几年嚟主厨「阿鸿小吃」甚至连续多年攞到米芝莲星级食肆，可知佢嘅美食真系赢尽口碑。近年鸿哥仲去到观塘工业区开分店，依然门庭若市，更加系区内嘅人龙店，喺而家疫情下仍然保持到生意额，真系一啲都唔简单！家阵鸿哥仲大展拳脚，喺观塘店旁开设近万呎厂房，推出一系列急冻产品，全部系真空包处理，大家买返去之后只要放喺滚水内翻热，咁就可以食到美食，真系又美味又方便又简单！must buy items有鲍汁猪手及炸酱肉丝等，每次返货都好快断货，小弟就特别钟意金钱牛肚及姜汁甜豉油猪手，在家难整之余佢又做得十分出色。记得呢啲急冻美食包只喺「阿鸿小吃」店内售卖，冇其他地方买到，要买就要去观塘鸿图道83号东瀛游广场地下A舖，想知仲有冇货可以打去3107 4111问一下先！
Jacky哥
Jacky哥
最Hit
更多文章
