Executive日记——叶Sir:吃巴丁鱼 水哥:胡椒蟹正斗 美食旅游达人教路玩尽狮城
KellyChu
2020-10-16 04:17 HKT
字體大小
大家坐咗咁耐疫监，终于有望飞出香港啦！香港同新加坡就建立「航空旅游气泡」达成原则性协议，两地政府未来数星期将敲定各项安排，咁Kelly就可以飞去狮城吃喝玩乐，昨日兴奋到四围问人有乜好介绍。食评家叶Sir叶澍堃即刻醒小妹，话「华厅」嘅蒸巴丁鱼嘅肥美鱼腩，令人一食难忘，一定要食。另一位旅游达人纪晓华（Walter，见图）教路，当地「龙记」嘅胡椒蟹，不容错过。
吃尽天下美食嘅叶Sir话，新加坡一开关，佢想去麦士威熟食中心（Maxwell Food Court）食「天天」鸡饭，佢哋嘅鸡饭，天下闻名，好味到极，虽香港近年开咗分店，但始终本店好食好多。「天天」每日卖二百多只鸡，饭用姜、蒜、干葱、斑兰叶同鸡油炒过，再用鸡汤来煮，香而不太油，Kelly谂一谂都流晒口水。
喺狮城除咗鸡饭、叻沙同肉骨茶，亦要试特别嘅蒸鱼。叶Sir话，佢同石礼谦议员最钟意去新加坡乌节酒店（Orchard Hotel）二楼嘅「华厅」，必点清蒸巴丁鱼。据闻，「华厅」采用嘅巴丁鱼食水果大，鱼腩肥美芳香，味道胜过「海鱼」，用鱼汁捞热腾腾嘅白饭，比鱼翅捞饭仲好味！每一次石议员都抢住要食最肥个件腩。
而Walter就话，去新加坡点可以唔食胡椒蟹，但当地好多餐厅都标高个价，厨师水准亦参差。佢醒大家必食贴士，就系去「龙记」叹招牌胡椒蟹同螃蟹米粉，形容非常有水准，好多当地人都帮衬！
Kelly Chu
■叶Sir又介绍去麦士威熟食中心，食驰名嘅「天天」鸡饭。
吃尽天下美食嘅叶Sir话，新加坡一开关，佢想去麦士威熟食中心（Maxwell Food Court）食「天天」鸡饭，佢哋嘅鸡饭，天下闻名，好味到极，虽香港近年开咗分店，但始终本店好食好多。「天天」每日卖二百多只鸡，饭用姜、蒜、干葱、斑兰叶同鸡油炒过，再用鸡汤来煮，香而不太油，Kelly谂一谂都流晒口水。
喺狮城除咗鸡饭、叻沙同肉骨茶，亦要试特别嘅蒸鱼。叶Sir话，佢同石礼谦议员最钟意去新加坡乌节酒店（Orchard Hotel）二楼嘅「华厅」，必点清蒸巴丁鱼。据闻，「华厅」采用嘅巴丁鱼食水果大，鱼腩肥美芳香，味道胜过「海鱼」，用鱼汁捞热腾腾嘅白饭，比鱼翅捞饭仲好味！每一次石议员都抢住要食最肥个件腩。
而Walter就话，去新加坡点可以唔食胡椒蟹，但当地好多餐厅都标高个价，厨师水准亦参差。佢醒大家必食贴士，就系去「龙记」叹招牌胡椒蟹同螃蟹米粉，形容非常有水准，好多当地人都帮衬！
Kelly Chu
更多文章
