Executive日记——「您哋俾我除衫揾食啦！」 夏蕙姨拍性感短片 控诉抗疫基金冇支援
KellyChu
2020-09-17 04:17 HKT
字體大小
演艺界等咗多个月，先至等到政府前日推出第三轮抗疫基金，支援下演艺界人士，应该系好事，但黄夏蕙好唔like，仲拍短片放上网，话︰「您哋俾我除衫揾食啦！」仲话︰「我唔愿做人啦！」做乜搞到咁激！
夏蕙姨喺短片里面，用特别嘅软件效果，将自己个头Key咗落一啲身材玲珑浮凸嘅外地女星身上（有啲仲系几肥美），跳晒劲舞好吸睛。点解要出性感短片呢？原来夏蕙姨好唔高兴第三轮抗疫基金，投诉话︰「六十五岁班老友记，喺今次抗疫基金中乜春都无！好人好姐，谂住自力更生！六十五岁都出嚟做嘢，唔好变咗年轻人嘅负累！又唔想成为社会嘅负担，唔去攞综援，点知就系得个桔！」
夏蕙姨跟住讲，有好多老人家只可以用劳力去换取人工，过咗六十五岁又唔可以供强积金，雇主攞唔到政府嘅保就业资助，第一个梗系炒班老人家啦，跟住佢讲到自己︰「我完全冇计啦！只好袒胸露臂出嚟表演赚啲生活费，你哋唔好怨我虐待您哋嘅眼睛！呢个系社会嘅错，唔系我嘅错！您哋俾我除衫揾食啦！」
Kelly Chu
夏蕙姨喺短片里面，用特别嘅软件效果，将自己个头Key咗落一啲身材玲珑浮凸嘅外地女星身上（有啲仲系几肥美），跳晒劲舞好吸睛。点解要出性感短片呢？原来夏蕙姨好唔高兴第三轮抗疫基金，投诉话︰「六十五岁班老友记，喺今次抗疫基金中乜春都无！好人好姐，谂住自力更生！六十五岁都出嚟做嘢，唔好变咗年轻人嘅负累！又唔想成为社会嘅负担，唔去攞综援，点知就系得个桔！」
夏蕙姨跟住讲，有好多老人家只可以用劳力去换取人工，过咗六十五岁又唔可以供强积金，雇主攞唔到政府嘅保就业资助，第一个梗系炒班老人家啦，跟住佢讲到自己︰「我完全冇计啦！只好袒胸露臂出嚟表演赚啲生活费，你哋唔好怨我虐待您哋嘅眼睛！呢个系社会嘅错，唔系我嘅错！您哋俾我除衫揾食啦！」
Kelly Chu
更多文章
