Executive日记——林郑甩口罩戴唔返 尴尬叫记者唔好影

  特首林郑月娥昨早出席行会前见记者𠮶阵,戴上嘅「铜芯口罩」右边脱落,佢一边答问题,一边想重新挂好口罩,但挂唔返,有啲尴尬咁讲:「希望啲摄影(记者)唔好系咁影我,好唔好呀。」
  林郑一度停咗落嚟话:「都系戴返好啲,对唔住呀」,将个罩除落嚟调整,话「可能紧得滞」,但之后都戴唔返上去。跟住佢问现场嘅新闻官:「有无一个畀我换,唔知呢个点解突然唔得」,但冇人可以即时畀佢一个新口罩,佢就索性唔戴口罩继续答问题。
  早喺六月尾,林郑见记者𠮶阵,戴上嘅「铜芯口罩」亦出过问题,明显比较松,不时下滑,露出鼻孔,佢要推番上鼻梁。昨早又戴得太紧,有口痕友话,唔通系政府抗疫「张弛有度」嘅示范。
Kelly Chu



更多文章