Executive日记——今晚八点齐鼓掌 为医护打气

  欧美医护人员正与新冠病毒作战,多国人们纷纷发起鼓掌行动,鼓舞医护人员嘅士气。Kelly知道,香港民间亦发起一项名为「为香港鼓掌」嘅运动(Clap for Hong Kong),喺今晚八时举行,好多市民同商界人士昨日互传呢信息,大家记住今晚大力为疫情前线战士拍掌。
  疫情爆发两个多月,确诊人数不断增加,一众医护同前线相关工作嘅人员奋力救人,佢哋面对前所未有嘅感染威胁同工作压力,为社会守住抗疫嘅重要防线。佢哋表现嘅专业精神,令人动容,无私付出,亦叫人赞赏。为咗送上加油,大家今晚八点为呢班抗疫英雄鼓掌一分钟,甚至更长,表达心意。
  无论大家身处何方,一于齐拍掌,但记得遵守禁聚令,唔好走得太近呀!喺活动之前,小妹呼吁大家广传呢项咁有意义嘅活动,快啲喺网上分享以下字句啦 #ClapforHK #为香港鼓掌 #TogetherWeFight The Virus #齐心抗疫。
Kelly Chu



最Hit
更多文章