Executive日记——直接将淤泥送上地面 机械人清水渠 雨季唔怕水浸

  炎夏快来,又系多雨嘅季节,好在渠务署引入咗一部新式嘅遥控清淤机械人,以科技清理雨水渠,减少水浸。
  Kelly听渠务署分析,由二○一七至一九年嘅二百多宗水浸个案中,超过六成系因为渠口畀垃圾、枯叶或其他杂物阻塞所致,所以「及时清渠」好紧要。
  Kelly一向都支持用新科技去改善市民嘅生活,跟得上潮流之余又可以减省高风险工作嘅危险性。渠务署就引入新式遥控清淤机械人,除可更深入地进入淹浸嘅箱形雨水渠,亦可避免工作人员进入密闭和淹浸的箱形雨水渠,造成危险。机械人仲可透过接驳喉管直接将淤泥送回地面,令工作效率大增。
Kelly Chu



■工作人员遥控机械人操作,避免进入密闭和淹浸的箱形雨水渠。
■工作人员遥控机械人操作,避免进入密闭和淹浸的箱形雨水渠。
更多文章