【英国】悭钱贴士｜油价高企踩单车悭油钱 二手单车30镑入手
日日经过油站，见到价钱高企，唔少揸车一族都呻油钱贵，每月支出大增。英国朋友都开始实行悭钱大法，步程唔远嘅地方行路当然最好又环保，返工用公共交通工具方便又经济，像我住的地区，用App买十程巴士票 35 镑，平均每日才 3.5 镑，当然要花的交通时间就会较长。想连车费都悭番，唔少英国人会选择踩单车。
返工返学踩单车
踩单车基本上是英国人生活日常，英国小朋友从小在学校或者屋企人处学识踩单车，好多去到初小已经踩到识飞咁，单手、离手、抽高咩都得，非常厉害。上到中学，更有唔少系踩单车返学，踩马路也难唔到佢哋，学校一般都有 bike shed 畀小朋友放单车。大人返工，亦有唔少人选择踩单车，悭钱唔怕塞车之余，每日返工放工踩十多廿分钟车就是最佳运动。
单车路线规划完善
由于英国大力鼓励市民踩单车，好多城市早有单车路线规划，马路上亦有划出单车专用线，红绿灯前最前排的停车位更是供单车使用。因此，不难发现马路上一边有人踩单车，而旁边就是巴士、私家车飞驰。既然行得马路，踩单车的同样要遵守路面规则，好似在英国有关道路规则的 Highway code 就有列明踩单车的守则，一般如不应在行人路踩车、keep住左线、在路口停车线要停、转入回旋处亦要跟足揸车规矩等等，免生意外。当然，佩戴合适头盔、穿上反光背心或者sharp色衫让其他道路使用者容易留意到你，亦有助保护自己。
雇员买单车有资助
英国唔少公司都有参加 Bike to Work Scheme，雇员可以透过公司参加此计划买单车或装备获得资助 (可以高达 40%！)，雇主亦可以减税，win win。唔买新车，喺英国二手车都好普遍，一般代步用会选 road bike，车价钱可以平到 30 至 40 镑一架。
单车有男女款之分
Nottingham 是单车制造之都，其中一个牌子 Raleigh 就是本市出品，历史悠久。我地试过在网上买到一架 80 年代产的 Raleigh 单车，由颜色到小配件都好复古，性能仲唔错，上斜路都够力，几好踩。在香港无玩开单车，第一次落地买单车好多学问都唔识，好单纯咁试上 seat 踩得几顺就可以，后来先识分 men bike 同 ladies bike，原来上车感觉都好唔同，好似女装车一般 seat 前钢位会呈 V 字及较低，方便女士穿裙子或者随时移前站稳，而男人车一般是直钢条呈三角，唔怪得之前踩个仔架车成日觉得唔多顺，以后换车都要注意。
男士车⬇
女士车⬇
