古星辉 - 海中畅用5G打卡煲剧｜乜都5G

古星辉

2023-12-01 00:00 HKT

阅讀更多

內容

过去疫情期间，我们发现出海活动嘅人数上升，而此数字于复常过后仍然维持，成为后常后的新常态，呢个新趋势就令我哋联想到海中5G网络覆盖嘅重要性。记得喺年初喺维多利亚港完成全港首次邮轮5G网上直播，展示我哋海上覆盖嘅技术优势，成为业界当时一个创举，最近我哋嘅5G海上覆盖有另一突破性发展。

全港首用2大崭新技术

于大海中心流动讯号稳定性较低仿佛系一个定律，茫茫大海难以找到位置兴建发射站，技术团队最近率先用咗2大技术，喺西环、西贡、鸭脷洲、赤柱和鹤咀对开嘅海面进行升级工程。到底呢2个技术点样特别呢，首先系「8发8收」（8T8R）多输入多轮出嘅天线，当天线用上呢个技术后，同以往使用「4发4收」（4T4R）比较，佢嘅输出功率更大，大大增加流动讯号嘅传输速度和稳定性。第2个法宝就系相当崭新嘅e-MIMO Pro技术，佢负责减低海上嘅电波干扰，令天线发放嘅讯号可以更强。

有以上2大崭新技术都未够，配合埋我哋渗透超强嘅700低频段频谱，简直系如虎添翼，5G讯号覆盖自然可以比平常去得更远，令去到海中心都可以收到5G，游住船河用电话上网煲剧打卡都不是梦，最难得嘅系整个升级唔算复杂，喺原有器材上加工升级即何，唔会浪费，符合现代ESG原则。

实测表现理想网速倍增

每次工程完成，工程团队一定要实测表现先知龙与凤。上个月工程团队租咗只船出去走一转，试吓海上5G实战表现，进行全面测试，期间嘅网速相当理想，上下速度较升级前分别提升5.5倍及1.6倍，而整条路线整体接收表现较前更有大幅提升，足以应付直播及煲4K片等应用。大海中心有5G，的确系一项重大突破。

和记电讯香港行政总裁

古星辉