古星辉 - 构建绿色5G校园｜乜都5G
古星辉
2023-10-20 00:00 HKT
字體大小
政府及电讯商一直积极推广5G于不同范畴嘅应用，除主打商业外，5G于教育方面嘅应用亦有庞大潜力。新学年刚开始不久，我哋喺学界就有不少作为。
先喺今年暑假，公司就为香港西班牙学校，以5G构建全校园嘅流动网络覆盖，打造咗全港其中一间率先使用5G嘅国际学校。听同事讲，学校喺大埔嘅新校舍并无光纤覆盖，如果要由零开始掘地拉线，需要唔少时间同金钱。
我哋有提供5G通讯及固网汇流服务嘅优势，而且为学校提供一站式网络设计，以及喺学习场景方案又经验丰富，团队了解咗学校要求后实地考察，并精心为学校打造全方位5G覆盖，提供5G Wi-Fi，方便教与学。
专责团队因应学校嘅地理位置，喺室内外嘅策略点摆放5G路由器；其中一个超级路由器更达工业用级别，防水耐热，为学校时刻提供充裕频宽及高速5G Wi-Fi。
打造5G智慧校园
我哋不但为学校部署5G网络基建，亦同时网罗不少适用于校园嘅5G方案，鼓励学校数码转型与时并进。例如新推出嘅「校园小记者方案」，就结合咗5G同360度全景相机，方便学校设立5G 4K超高清串流直播平台，等学生可以进行4K全景拍摄及5G直播，帮助学生掌握网上直播技巧。
此外，我哋嘅绿色5G校园方案，亦致力助学校达至环保节能嘅目标。最新嘅「智能列印方案」，就以5G网络连接，运用云端列印技术，极速传送文件，而由于影印机毋须预热可以节能。另外，刚推出嘅「智慧照明及冷气方案」，亦采用云端技术，学校可随时随地以5G手机，轻松调校任何照明及冷气系统，与未使用相关方案时比较，可节能达3成。
仲记得我哋当初成功帮全港第一间学校申请到5G资助，提供沉浸式学习体验时，已经率先跃出电讯商嘅传统框框。正所谓「学海无涯」，我哋会继续努力！
和记电讯香港行政总裁
古星辉
最Hit
油麻地烘焙店变「面包界Hermès」？入店前先排队再「逐个放人入去」 网民猜测1原因咁做
2025-11-14 15:15 HKT
九旬婆婆北区医院大堂弹琴 路人伴唱《万水千山总是情》 网民大爆婆婆猛料身世｜Juicy叮
2025-11-14 13:32 HKT
更多文章
