古星辉 - 港首个5G智慧港口 撑经济再起航｜乜都5G
古星辉
2023-05-12 00:00 HKT
字體大小
公司嘅总部位于青衣，喺天台可以遥望蓝巴勒海峡同葵涌货柜码头。我哋同货柜码头又隶属同一集团，相互合作尽占地利。
公司嘅网络团队，早前就为葵涌货柜码头安装咗5个5G基站，令码头成为全港首个应用5G嘅货柜码头，为码头业务全面迈向数码化，引进5G方案，以及发展为智慧港口作好准备。
葵涌货柜码头位处海边，占地庞大，达279公顷，相等于约15个维园。码头嘅四周平坦，附近冇乜高嘅建筑物可以起发射站；加上码头24小时运作，为咗令工程唔好影响业务运作，建造基站嘅时间亦要精准计算。
同事挖空心思，最后选定喺货柜场用作照明及通讯嘅灯塔，安装5G基站，为货柜码头提供稳定、高速嘅5G连接，以及充裕频宽，覆盖荔景、美孚、青衣一带，以至昂船洲沿岸，为码头打造强劲嘅5G通讯网络，迎接数码新时代。
葵涌货柜码头竞争力提升
有咗好嘅5G基础建设，货柜码头随即开始咗几项先导计划，体现5G万物互连嘅优势。其一是以5G通讯网络取代Wi-Fi及光纤，遥距操作龙门架吊机。另外，有咗全面嘅5G覆盖，又可以喺码头闸口，安装有人工智能检测功能嘅闭路电视，加强保安。
最近，我哋更开始喺岸边吊机上安装以5G连接嘅闭路电视系统，用嚟监测泊位嘅交通情况及船舶嘅营运管理。有咗5G，再配合人工智能、云计算、大数据、机器学习等新科技，可更有效提高货柜码头营运嘅精准度、安全绩效及营运效率。对于提升货柜码头整体竞争力，亦有莫大帮助。
5G连接广、超高速、低时延、高容量，对于要处理吞吐量庞大嘅大型货柜码头来讲，简直如虎添翼！听讲新加坡正打造全球最大嘅自动化货柜码头，而且亦已经讲紧要喺2025年中前，实现海上5G全覆盖；要赢人先要赢自己，睇嚟我哋要加快步伐喇！
和记电讯香港执行董事及行政总裁
古星辉
公司嘅网络团队，早前就为葵涌货柜码头安装咗5个5G基站，令码头成为全港首个应用5G嘅货柜码头，为码头业务全面迈向数码化，引进5G方案，以及发展为智慧港口作好准备。
葵涌货柜码头位处海边，占地庞大，达279公顷，相等于约15个维园。码头嘅四周平坦，附近冇乜高嘅建筑物可以起发射站；加上码头24小时运作，为咗令工程唔好影响业务运作，建造基站嘅时间亦要精准计算。
同事挖空心思，最后选定喺货柜场用作照明及通讯嘅灯塔，安装5G基站，为货柜码头提供稳定、高速嘅5G连接，以及充裕频宽，覆盖荔景、美孚、青衣一带，以至昂船洲沿岸，为码头打造强劲嘅5G通讯网络，迎接数码新时代。
葵涌货柜码头竞争力提升
有咗好嘅5G基础建设，货柜码头随即开始咗几项先导计划，体现5G万物互连嘅优势。其一是以5G通讯网络取代Wi-Fi及光纤，遥距操作龙门架吊机。另外，有咗全面嘅5G覆盖，又可以喺码头闸口，安装有人工智能检测功能嘅闭路电视，加强保安。
最近，我哋更开始喺岸边吊机上安装以5G连接嘅闭路电视系统，用嚟监测泊位嘅交通情况及船舶嘅营运管理。有咗5G，再配合人工智能、云计算、大数据、机器学习等新科技，可更有效提高货柜码头营运嘅精准度、安全绩效及营运效率。对于提升货柜码头整体竞争力，亦有莫大帮助。
5G连接广、超高速、低时延、高容量，对于要处理吞吐量庞大嘅大型货柜码头来讲，简直如虎添翼！听讲新加坡正打造全球最大嘅自动化货柜码头，而且亦已经讲紧要喺2025年中前，实现海上5G全覆盖；要赢人先要赢自己，睇嚟我哋要加快步伐喇！
和记电讯香港执行董事及行政总裁
古星辉
更多文章
