古星辉 - 外游复常 数据用量超疫前｜乜都5G
古星辉
2023-05-05 00:00 HKT
字體大小
4、5月份比较多公众假期，除复活节同刚过去嘅「五一」劳动节公众假期外，月底又有佛诞长周末，下个月嘅端午节假期又可以自制9日长假，大家都蠢蠢欲动想出去外游唞唞气。
随著全球于后疫情纷纷取消出入境要求，国际旅游日渐复常，对我哋电讯商来讲，真系天大嘅好消息！众所周知，外游服务一向系电讯商嘅主要收入来源之一，就我哋公司而言，就占咗整体收入四分一。
喺啱啱过去嘅复活节长假，好开心见到抗疫措施解禁后，出入境人次有增无减。根据入境处资料，喺4月1日至4月10日期间，出入境人次超过658万。至于刚过去嘅五一黄金周，根据入境处数字显示，内地旅客入境超过56万人次，整体较2019年低，但已经贴近2018嘅数字。出入境人次飚升，代表出游或者到港旅游人数增加，带动外游数据用量逐渐回升，令人喜出望外。
复活假期用量超2019
电讯商又点样解读呢个情况呢？我哋喺今年4日复活节假期嘅平均每日外游服务收入及用量，就已经超过2019年同期，而4月仲有个别日子嘅增幅超过一成，显示复常速度比预期快，十分令人鼓舞。
香港5G服务推出3年有多，最近唔少朋友开始关心外游期间有冇得用5G，其实现时我哋电讯商提供5G外游嘅国家及地区已经超过40个，当中大部份地区都系大家嘅旅游热点。
笔者早前去日本旅游，电话已连接至5G网络，不过用落冇香港𠮶种爽快感觉，当刻觉得香港嘅5G网络无论覆盖同用户体验都做得好好。
各位有机会去旅行有类似体验的话，唔好怪错香港电讯商，因为外游要视乎海外网络，覆盖同网速标准或有不同，亦非香港电讯商可以控制。
和记电讯香港执行董事及行政总裁
古星辉
随著全球于后疫情纷纷取消出入境要求，国际旅游日渐复常，对我哋电讯商来讲，真系天大嘅好消息！众所周知，外游服务一向系电讯商嘅主要收入来源之一，就我哋公司而言，就占咗整体收入四分一。
喺啱啱过去嘅复活节长假，好开心见到抗疫措施解禁后，出入境人次有增无减。根据入境处资料，喺4月1日至4月10日期间，出入境人次超过658万。至于刚过去嘅五一黄金周，根据入境处数字显示，内地旅客入境超过56万人次，整体较2019年低，但已经贴近2018嘅数字。出入境人次飚升，代表出游或者到港旅游人数增加，带动外游数据用量逐渐回升，令人喜出望外。
复活假期用量超2019
电讯商又点样解读呢个情况呢？我哋喺今年4日复活节假期嘅平均每日外游服务收入及用量，就已经超过2019年同期，而4月仲有个别日子嘅增幅超过一成，显示复常速度比预期快，十分令人鼓舞。
香港5G服务推出3年有多，最近唔少朋友开始关心外游期间有冇得用5G，其实现时我哋电讯商提供5G外游嘅国家及地区已经超过40个，当中大部份地区都系大家嘅旅游热点。
笔者早前去日本旅游，电话已连接至5G网络，不过用落冇香港𠮶种爽快感觉，当刻觉得香港嘅5G网络无论覆盖同用户体验都做得好好。
各位有机会去旅行有类似体验的话，唔好怪错香港电讯商，因为外游要视乎海外网络，覆盖同网速标准或有不同，亦非香港电讯商可以控制。
和记电讯香港执行董事及行政总裁
古星辉
更多文章
