古星辉 - 2.23电话卡实名登记截止｜乜都5G
古星辉
2023-02-03 00:00 HKT
字體大小
兔年伊始，祝愿大家动若脱兔！大吉大利！
农历新年期间睇电视，见到好多提醒巿民有关电话卡（或称太空卡）实名登记嘅宣传片，提醒用户于2月23日（2.23）前登记，否则苏州过后无艇搭，之后用唔到本地通讯服务。
公司专责电话卡业务嘅同事话我知，我哋电话卡用户实名登记嘅进度良好，好有信心大家能顺利过渡2.23。
话说去年3月1日实施电话卡强制实名登记，当日及之后买嘅新卡，要强制实名登记，所以呢一批客户嘅实名登记率系100%。至于喺旧年3月1日前买嘅电话卡，就要喺今年2月23日前实名登记，否则用唔到本地通讯服务。
买电话卡使用本地通讯服务嘅用户，以学生、长者、家庭主妇或外佣为主。据同事所讲，已有超过一半电话卡用户做咗实名登记，进度符合预期。虽然如此，但距离登记限期不足3星期，同事一方面对电话卡用户千叮万嘱，一方面亦千方百计鼓励佢哋尽早登记，例如喺截止日期前登记，会免费送100 GB本地数据。
提示短讯加入连结方便登记
我哋密密提醒用户，包括每月发出提示短讯，又喺客户增值电话卡嘅时候，弹出提示；而踏入2月，更加会每两星期提醒客户一次；直至2.23，最后通牒。另外，我哋加设咗实名登记热线，解答用户问题。另外，喺高峰期，我哋亦特别喺元朗、深水埗及同湾仔3Shop门市，加设关爱柜位，帮助老友记登记。
大家可能会问，过咗期无实名登记会点？最大嘅影响，系失联，即系打唔到电话、上唔到网、收唔到短讯，例如银行密码或验证码等。不过，为咗方便客户，我哋好贴心咁喺提示短讯内加入实名登记连结，万一真系逾期未登记，只要张电话卡未过期及插入手机，客户即时揾返条link，配合智能手机，就可以随时登记返，恢复服务。
方便自己，方便亲朋，呼吁大家，及早登记！
和记电讯香港行政总裁
古星辉
农历新年期间睇电视，见到好多提醒巿民有关电话卡（或称太空卡）实名登记嘅宣传片，提醒用户于2月23日（2.23）前登记，否则苏州过后无艇搭，之后用唔到本地通讯服务。
公司专责电话卡业务嘅同事话我知，我哋电话卡用户实名登记嘅进度良好，好有信心大家能顺利过渡2.23。
话说去年3月1日实施电话卡强制实名登记，当日及之后买嘅新卡，要强制实名登记，所以呢一批客户嘅实名登记率系100%。至于喺旧年3月1日前买嘅电话卡，就要喺今年2月23日前实名登记，否则用唔到本地通讯服务。
买电话卡使用本地通讯服务嘅用户，以学生、长者、家庭主妇或外佣为主。据同事所讲，已有超过一半电话卡用户做咗实名登记，进度符合预期。虽然如此，但距离登记限期不足3星期，同事一方面对电话卡用户千叮万嘱，一方面亦千方百计鼓励佢哋尽早登记，例如喺截止日期前登记，会免费送100 GB本地数据。
提示短讯加入连结方便登记
我哋密密提醒用户，包括每月发出提示短讯，又喺客户增值电话卡嘅时候，弹出提示；而踏入2月，更加会每两星期提醒客户一次；直至2.23，最后通牒。另外，我哋加设咗实名登记热线，解答用户问题。另外，喺高峰期，我哋亦特别喺元朗、深水埗及同湾仔3Shop门市，加设关爱柜位，帮助老友记登记。
大家可能会问，过咗期无实名登记会点？最大嘅影响，系失联，即系打唔到电话、上唔到网、收唔到短讯，例如银行密码或验证码等。不过，为咗方便客户，我哋好贴心咁喺提示短讯内加入实名登记连结，万一真系逾期未登记，只要张电话卡未过期及插入手机，客户即时揾返条link，配合智能手机，就可以随时登记返，恢复服务。
方便自己，方便亲朋，呼吁大家，及早登记！
和记电讯香港行政总裁
古星辉
最Hit
孝女为亡父取消电话合约 反被客服要求「机主亲身嚟办理」 网民：叫爸爸回魂揾佢整
2025-11-13 18:11 HKT
地域强者 全球挑战 首个获「M」品牌认可电竞赛事BLAST Premier Rivals 8支参赛战队揭晓
2025-11-12 00:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
更多文章
