古星辉 - 5G打造多姿多采校园生活｜乜都5G

古星辉

2022-11-25 00:00 HKT

阅讀更多

內容

上两期提及唔少智慧校园应用，唔少读者都觉得好有趣，有校长朋友想我讲多啲有关教育嘅方案，今日再同各位分享多两个喺5G推出之前好难实现嘅应用场景。
人工智能互动运动系统
o依家学校注重学童各方面嘅均衡发展，体育更系其中一个重点项目。Sports Day大家都听过，唔知大家有冇参与过eSports Day？由于5G超高速、低时延，透过先进嘅「人工智能互动运动系统」，可以将体育科技应用喺校园。呢个系统利用全息投影及互动感知等技术，可以为学生提供唔同嘅运动体验，例如模拟滑雪、踩单车、剑击等，唔使喺真实场景都做得到；加上动态侦测装置，更加可以帮手分析参与者嘅运动姿势，以及用人工智能测量及分析表现，非常实用。沙田嘅一间中小学，就用咗呢个方案嚟举办eSports Day，日后甚至可以同其他学校举办联校比赛。

长沙湾就有一间中学同样用紧「人工智能互动运动系统」，由于学校环境设计比较特别，学生练跑嘅时候，经常会喺转角位跌亲，于是学校特别加入AI分析系统，当预测到可能有同学跌倒嘅时候，即时发出警报通知老师，等校方可以及时处理。
巴士车厢体验生命教育

之前提过，虚拟实境（VR）同扩增实境（AR）嘅普及，喺教育界有极大发展潜力。喺马鞍山嘅一间中学，早前获得巴士公司捐赠一辆退役巴士，学校将佢改装后命名为「有价巴士」生命体验馆，里面以VR/AR技术让该校学生以崭新方式体验生命教育。

用得VR/AR就一定要连线上网，喺巴士车厢入面，5G宽频发挥强大作用，唔使拉线已经可以为车厢提供高速连线，将人生嘅唔同场景传送到VR装置，等学生喺沉浸式嘅环境下，发掘生命价值，培养正向人生价值观。

一连三个星期同大家分享咗唔少智慧校园嘅实际应用，其实5G校园应用尚有庞大发展空间，教育界嘅朋友不妨研究一下。
和记电讯香港行政总裁
古星辉