古星辉 - 5G成就互联城市｜乜都5G

乜都5G

古星辉

2022-09-23 00:00 HKT

阅讀更多

产经专栏

內容

城中盛事互联城市大会早前举行，当日我同Microsoft香港及澳门区总经理Cally与新加坡KPMG科技、传媒及电讯主管Darren，就香港发展为互联城市有好多有建设性嘅讨论。Darren问开5G喺香港最新嘅发展情况，我好开心话畀佢听，直至五月香港有约360万名5G用户，较去年六月升130%，令人鼓舞！加上近排又有旗舰5G机王出炉，仲有新颜色，加埋电讯商嘅优惠月费计划，对于吸引更多用户升级5G会有推动作用。
港拥360万5G户升130%

讲到「城市互联」，5G当然不可或缺。同其他人分享何谓5G嘅时候，一向都会用到A、B、C、D、E五个英文字，深入浅出讲解5G喺搭配咗呢几个魔幻字母后，所产生嘅巨大作用。

原有定义：A=AI（人工智能）、B=Block chain（区块链）、C=Cloud computing（云端运算）、D=Big data（大数据）、E=Edge computing（边缘运算）。

我同Cally探讨香港发展为互联城市要素嘅时候，发现将呢组字母代入互联城市嘅框架后，正好展现香港嘅多项优势。喺新定义下，A仍然系AI（人工智能）， B系大数据Big data，C系Computing，DEFG都有新嘅演绎：

D=Digital Competitiveness（数码竞争力）：根据2021年世界数码竞争力排名，香港喺亚洲排名第一，喺全球排名第二，由此可见香港嘅实力！

E=Education（教育）：世界高等教育研究机构公布2023年度嘅世界大学排名，香港有三间大学名列前50位，其中港大更位列21！
F=Financial centre（国际金融中心）：香港税率低，资金可以自由进出，系发展互联城市嘅有利条件。

G今次唔系for girls，G=Gateway（门户）：香港一直系通往大湾区、内地，以至环球的门户。资料显示，中国内地三分之二对内及对外嘅直接投资，以及大部份金融投资，都系通过香港进行，而香港更系全球最大嘅离岸人民币业务中心。

ABCDEFG咁强劲嘅组合，讲到底，都系要有好嘅连系，呢个连系就系建基于5G。目前3香港嘅全港5G覆盖已经超过99%，最近又开通咗700MHz频段，提供穿透力极强嘅广域覆盖，对于进一步提升5G渗透率有莫大帮助。
和记电讯香港行政总裁
古星辉