古星辉 - 5G加速企业数码转型｜乜都5G
「数码转型」一直系「再工业化」同智慧城巿发展嘅其中一个重要议题。由于5G超高速、低时延，能互联万物；配合物联网同云端科技日渐成熟，再加上新常态嘅出现，令好多大小企业不得不迈向数码转型。
我哋一方面全力发展5G，从稳定可靠嘅网络基建做起，同时亦为各行各业物色实用嘅5G方案，例如最近新推出嘅校园资产管理方案，就利用咗无线射频身份识别技术（RFID），帮助学校管理物资，开始数码转型。
作为新一代嘅数码营办商，我哋早喺几年前已开始数码转型。最近，公司仲全面升级科技系统。我哋同Microsoft香港开展策略合作，系第一间率先采用Microsoft端对端客户洞察分析平台嘅数码营办商，透过应用人工智能辨识客户需求，提供「超个人化」客户服务，并以云端技术提升客户嘅数码体验同满意度。上星期，全公司亦开始转用Microsoft 365云端平台，提高工作效率。同事可以随时随地喺云端平台存取档案，而储存喺云端嘅档案又会定期备份，即使遇到突发情况，都可以如常工作。
互联城市大会下周五举行
话时话，城中盛事「互联城市大会」将于下星期五（9月9日）举行，由早到晚会有好多场网上分享会。公司今年系活动嘅策略伙伴之一，我就约咗Microsoft香港及澳门区总经理Cally同驻新加坡KPMG亚太区科技、传媒及电讯主管Darren，一齐主持炉边对话，讲吓5G、倾吓云端，探讨吓佢地同互联城市嘅关系。
大会今年主题系「打造智慧ESG城市」，邀请嚟自全球学术界、商界、领先企业以至初创企业嘅翘楚，同大家分享佢哋嘅见解。去年就有嚟自45个国家及地区，超过3000人参加呢个网上盛会。今年大家记得预先登记，费用全免。由我哋三位主讲𠮶场分享会，会喺当日下午3时20分播出，我先多谢各位捧场！
登记网址：https://bit.ly/0909connectedcities
和记电讯香港执行董事及行政总裁
古星辉
