古星辉 - 捕捉元宇宙及Web 3.0蝴蝶机遇｜乜都5G

乜都5G

古星辉

2022-08-05 00:00 HKT

阅讀更多

产经专栏

內容

随著元宇宙概念方兴未艾，第三代互联网（Web 3.0）可以话系科技嘅推手，当初由军用嘅Web 1.0发展到民用嘅Web 2.0，到今时今日嘅Web 3.0，每一步嘅发展都循序渐进，从本来非常微小的领域开始，最后为人类生活带来蝴蝶效应般巨大改变。但要做到模式蜕变（paradigm shift），加快拓展区块链及虚拟的平行世界（即元宇宙），就要等待有广泛采用、不用不可嘅杀手级应用出现。

最近我参加咗一个新颖的时装展，就将元宇宙及Web 3.0嘅概念率先应用喺市场推广嘅层面。

𠮶个实体及虚拟混合嘅时装展喺中环举行，入场人士都以自己嘅虚拟化身登记入场，仲可以自己拣埋虚拟服饰。整个活动由虚拟模特儿行catwalk，到最后由真人模特儿展示实体时装设计，与会人士可以同喺会场嘅人或者荧幕上嘅虚拟化身联系同互动，呢个沉浸式虚拟时装表演，展现咗元宇宙及Web 3.0嘅有趣应用场景。
5G数码营办商提供有利条件

我相信，随住大众对元宇宙有一定认识，巿场慢慢就会产生愈来愈多实用嘅应用场景。当然，由感到虚幻嘅摸索阶段到大众了解和普及系一个发展规律。现时已有好多品牌捷足先登，喺元宇宙建立根据地。我哋作为数码营办商，担当住一个既中立但重要嘅技术及商务综合解决方案提供者的角色，无论系喺商业对商业（B2B）或商业对客户（B2C）嘅层面，都可以促进元宇宙嘅发展。

数码营办商特别系有咗5G后，为发展Web 3.0及元宇宙提供咗成熟有利嘅条件。5G嘅特性包括万物互联、超高速、极低时延，有助区块链及瞬即传输AR同VR等穿戴式装置嘅数据，加强各种感应器嘅互连，以及用家喺虚拟及真实世界嘅互动、互联，为建立元宇宙嘅虚拟世界打好基础。

虽然元宇宙目前尚未普及，大众对虚拟世界仍然处于了解或乐观其成的取态，喺呢种情况下，享有商誉的数码营办商正正系备受信赖嘅一方（trusted party），因为我哋广为大众所认识，特别系要喺网上或虚拟世界若涉及有钱银交易，用家都倾向信任佢哋喺实体世界所认识嘅公司，例如讲到喺元宇宙用区块链技术及数码货币买嘢同NFT交易，数码营办商就好有优势喇。

喺推动同发展元宇宙及Web 3.0嘅过程上，数码营办商扮演相当重要嘅角色，我哋可以帮唔同企业将实体世界嘅业务扩展到元宇宙，亦有助教育客户未来发展趋势。话时话，我哋公司都就嚟喺元宇宙开舖，到时喺元宇宙见！
和记电讯香港行政总裁
古星辉