古星辉 - 5G元宇宙「密」密用｜乜都5G

古星辉

2022-03-11 00:00 HKT

阅讀更多

內容

元宇宙年代，万物革新，连货币都要改朝换代，以前畀钱一定要用现金，后来人人都用信用卡同流动支付，踏入元宇宙世界，消费要靠加密货币。在此之前，原来愈来愈多企业开始计划接受加密货币付款，最新发展系可以用加密货币交电话费，慢慢融入日常生活。

可能你会话，「加密货币同5G有乜关系？」我成日话5G系由A、B、C、D、E组成，加密货币就系属于区块链，亦即系B（Blockchain）嘅其中一项技术，o依家嘅NFT或者未来嘅元宇宙，都要靠加密货币做交易。
巨企纷接受加密币付款

金融科技界嘅支付服务商FIS上年9月就虚拟货币进行咗一项调查，发现当中35%受访港人，预计喺未来五年内使用虚拟货币或中央银行数码货币作为支付工具，睇到唔少港人都愿意去试新嘢，亦都可能觉得用虚拟货币好有型！

其实o依家已经有唔少大企业接纳或者计划容许客户用加密货币付款，例如PayPal同AMC娱乐早前已经宣布接受以加密货币做支付方式，两大发卡组织VISA同MasterCard都相继推出加密货币相关嘅信用卡，就连即时通讯工具WhatsApp同Signal都开始加入加密货币过数功能。

喺计划推出加密货币支付嘅过程中，需要面对各种挑战同难关，例如要考虑加密货币嘅价格有机会非常波动，因为佢完全取决于市场嘅共识，又例如加密货币用咗区块链技术，所以匿名程度极高，亦毋须透过政府或者机构嘅监管，可能连记录都无办法追踪，容易出现诈骗事件同不法交易，而且加密货币交易嘅程序都比较复杂，手续费亦相对昂贵。

事实上，5G超高速同极低时延嘅特质，可以令加密货币付款嘅交易更流畅，同时亦希望加密货币潮流推动5G普及化，所以话玩得加密货币，一定要用埋5G先至系完整体验。

虽然好多问题仍然有待解决，但系我相信每项新科技都需要过渡同适应期，我哋需要更加大胆同创新嘅思维，先可以喺竞争激烈嘅市场中突围而出。
和记电讯香港行政总裁
古星辉