乜都5G｜5G在MWC技惊四座 - 古星辉

乜都5G

古星辉

2022-03-04 00:00 HKT

阅讀更多

产经专栏

內容

对于全球电讯业者，由全球移动通信系统协会（GSMA）举办嘅世界移动通讯大会（Mobile World Congress, MWC）绝对有前瞻性，各大品牌都会藉著呢个平台展示最新产品，绝对吸引眼球。疫情下，MWC 2020取消举行，MWC 2021则延至去年中举行，到了MWC 2022终于回归二三月。今年参展商数目超过1500间，而GSMA预计会吸引到来自150个国家嘅六万名业界人士出席。从各方资料所得，今年MWC大致有四大亮点。
见得人嘅5G调酒师

机械人相关应用方案愈来愈普及，但今次西班牙电讯商喺会场展示嘅5G调酒师，绝对够话题。在场参观者向调酒师拣选心水饮品，转个头返嚟，调酒师认到参观者样貌就会递上饮品。

佢能够咁做，系因为结合咗ABCDE入面其中一个重要元素—边缘运算（Edge computing），透过5G网络超高速极低时延嘅传送，调酒师就可以做到好多即时嘅运算，例如佢可以透过镜头记录参观者嘅样貌、选择、喜好及语言，当来宾再次出现，调酒师好快可以辨认到参观者，并准备佢喜欢嘅饮品，以及即时转channel，用返佢嘅语言沟通，咁醒嘅调酒师去边度揾！
智慧汽车整装待发

咁大个展览，又点会少得元宇宙，近年进军VR界嘅HTC宣布会推出一个元宇宙平台，用户既可以喺入面买NFT作品，又可以透过虚拟化身进行虚拟会议。更厉害嘅系佢哋将会同高雄市政府合作推出「元宇宙造镇计划」，在元宇宙打造另一高雄市，将当地嘅艺文、观光及运动等服务逐步加入，日后真系可以用眼睛去旅行！

听过无数次嘅智慧汽车，今次都有啲新进展，晶片公司Qualcomm宣布推出车连云端服务（Car-to-Cloud Services）以及车用WiFi 6E晶片，锁定抢攻智慧汽车市场，喺晶片加入5G功能，只系时间问题。
内地5G手机技惊四座

Samsung喺MWC前公布新机，而Sony就事先预告唔会出现，所以今年喺会场嘅手机商，以几个内地品牌为主，包括HONOR、realme、TCL、小米同OPPO等，而佢哋例如双向折芒，以及九分钟左右就可以将手机电池充满嘅极速充电技术，真系可以话技惊四座！
和记电讯香港行政总裁
古星辉