头条戏场 - 《巴黎深渊》 笑出声灾难惊栗片 | 头条戏场
头条戏场
2024-07-06 02:00 HKT
字體大小
讨论区个个插Netflix电影《巴黎深渊》，又话废又话唔惊又话无聊，啲「智者」系咁话鲨鱼点可能喺塞纳河生活，片中专家都有解释，系有咁嘅可能，睇戏吓吓要好真实，建议你睇纪录片啦，睇咩戏啫。讲返套戏，我又觉得几好睇，被吓咗几嘢，有紧张位有低能位有抵死位又有笑位，作为一套灾难惊栗片唔算好出色，但娱乐性好丰富，会大声笑又会出声闹，用嚟打发时间，几好吖。（已上架） 撰文：廖思慧
电影故事设定在巴黎首次举办的世界三项铁人锦标赛期间，一条巨大鲨鱼出现在塞纳河所引发的事件。点解鲨鱼会出现喺塞纳河？时间回到3年前，海洋研究员Sophia（Bérénice Bejo饰）同佢老公，一直有研究一条尖吻鲭鲨莉莉丝，落晒追踪器方便追踪，一次意外，Sophia老公同团队被莉莉丝咬死，女方伤心到爆决定退隐在水族馆工作。有一日，环保人士Mika话畀Sophia知，莉莉丝嘅追踪标签仍然活跃，更从太平洋游到去塞纳河，似乎被困巴黎，而铁人赛就快举行，心都寒埋。
蠢爆人类被鲨鱼严重玩弄
之后Sophia及环保人士跟警察指挥官Adil联手，想将鲨鱼赶出塞纳河，睇到呢度，系咪已经觉得好好笑？Netflix以6个字介绍呢套戏，就系不祥、吓人、悬疑，我就简单3个字讲完，超讽刺，全片最好睇激进环保分子同官僚一步步将件事越搞越大件事，总之以上人士嘅行为睇到你越不爽，尾段见到佢哋自食其果就越快乐，开放式结局完全估佢唔到，想睇续集㖞。
头条戏场
开放式结局好精彩，导演谂嘢都几黐线。
铁人赛开始无耐已经有大量运动员被鲨鱼袭击。
一大群鲨鱼可以吃到饱。
发现塞纳河有袭击人类嘅鲨鱼，巴黎警察会潜落水睇吓，好好笑。
Sophia及环保人士Mika（右），前者险被后者害死。
Sophia发现莉莉丝啲家族鲨鱼可以无性繁殖，惨嘞。
三项铁人赛如常举行，最开心系啲鲨鱼。
市长唔理市民死活，最紧要搞好三项铁人赛。
最Hit
35岁「多仔婆」女星罕谈性生活尺度惊人 大爆富商男友床上尴尬表现 自揭床事频繁非自愿
2025-11-15 10:00 HKT
油麻地烘焙店变「面包界Hermès」？入店前先排队再「逐个放人入去」 网民猜测1原因咁做
2025-11-14 15:15 HKT
TVB「未来视后」惊爆患病需中西合璧治疗 穿酒店拖鞋游街面壁行为怪异 曾自揭患惊恐症
2025-11-15 09:00 HKT
更多文章
