头条戏场 - 《命案》 祝大家长命百岁｜头条戏场
头条戏场
2023-04-28 00:00 HKT
字體大小
电影主题是银河映像最拿手的宿命论，一个精神分裂的风水佬冒癫拯救心理变态后生仔的故事。有种师兄弟归位的感觉，由一开场紧张到散场，全程keep住坐立不安，浓烈黑色幽默及血腥暴力，集悬疑、惊悚、查案于一身，有唔少笑位仲要几励志，好睇㖞。（上映中） 撰文：廖思慧
中文戏名好易令人误会系一般查案片，叫《命‧案》会唔会好啲？英文片名《Mad Fate》直译疯狂的命运，清楚明白晒。父母都有精神病的林家栋，遇上嗜血茶餐厅太子爷杨乐文（Lokman），经过多种算命方法，知道对方会有一个火山级大劫，「好大镬，横跨20年。」家栋为帮对方改命，搞到自己又癫又丧仲争啲死。根本两个人都唔正常，拍埋一齐睇吓边个条命够硬。
做一个善良的人
《命案》个命系人命亦解作命水，好多人成日都话点解我老窦唔系李嘉诚？好丑真系命生成？戏中有大量改命加改运方法，例如忌火就咪食烟、屋企千祈咪放空雀笼、多行善、吉利说话要常讲。究竟「一切皆是命，半点不由人。」还是「万般皆是心，点点皆由人？」电影就系话你知，「你系可以拣嘅。」全场最印象深刻，警察、凶手、热血风水佬及天生PK仔在面店同场一幕，𠮶种一触即发真系睇到要深呼吸，好耐未试过睇港产片有如此观感。
电影节奏明快，回味无穷，家栋由头带到尾，陈湛文令人心寒，Lokman非常有惊喜，论演戏他绝对是MIRROR的上弦，祝在影坛海阔天空。最重要临尾竟然被安慰到，多谢导演。
头条戏场
随时杀人
■因为曾经错过一啲嘢，家栋好想帮人，见到Lokman「赤脉贯睛」随时杀人，尽救。
放生之祸
■家栋认为放生好大功德，可帮Lokman积福，但个天好有性格，唔系你畀就要，最终搞到成地雀尸，阴功。
恐怖湛文
■睇新闻睇得多，啲变态杀手或者无差别杀人犯个样都好普通，但内心好凶残。
钉死Lokman
■吴廷烨饰演警察，拉过童年Lokman，认定佢系变态人渣，睇死佢冇得改。
天命难违
■家栋经常望个天，究竟天命难违，还是人定胜天？
烂赌凤姐
■伍咏诗饰演一楼一，贪钱又烂赌，同样有大劫，仲搬正喺Lokman隔篱，累斗累。
怪招改命
■为帮Lokman改命，家栋怪招尽出，包括同死人换命，你睇Lokman几惊。
中文戏名好易令人误会系一般查案片，叫《命‧案》会唔会好啲？英文片名《Mad Fate》直译疯狂的命运，清楚明白晒。父母都有精神病的林家栋，遇上嗜血茶餐厅太子爷杨乐文（Lokman），经过多种算命方法，知道对方会有一个火山级大劫，「好大镬，横跨20年。」家栋为帮对方改命，搞到自己又癫又丧仲争啲死。根本两个人都唔正常，拍埋一齐睇吓边个条命够硬。
做一个善良的人
《命案》个命系人命亦解作命水，好多人成日都话点解我老窦唔系李嘉诚？好丑真系命生成？戏中有大量改命加改运方法，例如忌火就咪食烟、屋企千祈咪放空雀笼、多行善、吉利说话要常讲。究竟「一切皆是命，半点不由人。」还是「万般皆是心，点点皆由人？」电影就系话你知，「你系可以拣嘅。」全场最印象深刻，警察、凶手、热血风水佬及天生PK仔在面店同场一幕，𠮶种一触即发真系睇到要深呼吸，好耐未试过睇港产片有如此观感。
电影节奏明快，回味无穷，家栋由头带到尾，陈湛文令人心寒，Lokman非常有惊喜，论演戏他绝对是MIRROR的上弦，祝在影坛海阔天空。最重要临尾竟然被安慰到，多谢导演。
头条戏场
最Hit
更多文章
