头条戏场 - 《五腥级盛宴》大巴大巴掴死你班虚伪怪｜头条戏场
头条戏场
2022-12-09 00:00 HKT
字体大小
一部讽刺食评家、钟意食装修嘅作状友、愈难book愈想book的虚伪L及打卡KOL的黑色惊栗喜剧。无论是「追星」老饕、快餐爱好者、大排档常客，定觉得高级餐厅得个贵字的酸民都啱睇，而且仲会睇得好有快感，耻笑位相当到肉，两小时不断笑出声，娱乐性非常丰富，套戏讲到咁白会唔会得罪好多人㗎？（上映中） 撰文：廖思慧
享誉国际的星级厨神Julian Slowik（Ralph Fiennes饰）在西北太平洋小岛上开设一间隐世餐厅Hawthorn，叫得隐世都知价钱唔会平，冇错，Tasting Menu每位$1,250美元（约9,700港币）。咪以为畀得起钱就有得食，Sorry，每晚限定12名宾客，有钱有面都未必排到你，愈难book愈多人争住book，一位难求，话畀人听book到已经好似赢咗全世界。
每枱有个唔见得光的故事
厨神头号靓仔粉丝Tyler（Nicholas Hoult饰）及寸嘴女伴Margot（Anya Taylor-Joy饰）、著名食评家及编辑、过气电影红星及助手、超富贵老夫妇常客，及年轻才俊有幸成为座上客。电影节奏好紧凑，一开场众宾客登上接驳船到小岛开始已经好紧张，侍应从环境及食材开始介绍，每日在海边捉到乜就食乜，就算伴碟的石头及花都取之岛上，然后七道料理都有一个好有意思的名称，如七宗罪，跟身有屎的宾客真系好匹配。
去到中后段，剧情急转直下，进入惊悚片模式，有血，吓人，但同样好多笑位，节奏更快，厨神由优雅地挖苦到开到口力斥得个壳的美食文化，特别怒轰操生杀大权的美食评论家及连自己食过乜都唔知，只挂住晒命打卡的KOL。故事荒诞又有创意，视觉呈现有美感，对白简而精又好笑，如果厨神背景可以讲多啲就更好，留意厨神阿妈，全片最黐线角色。
临时女伴
■Tyler临时邀请Margot去隐世餐厅，后者听到每位$1250美元即刻爆粗。
厨神常客
■富贵夫妇系Hawthorn常客，帮衬过十几次，但完全唔记得之前食过乜，抵闹。
Power厨神
■Ralph Fiennes演嘅厨神好有气势，一拍手我就惊惊。
■咁大盘嘢只系食石上面件带子。
生杀大权
■食评家同编辑，前者经常用一堆作状嘅字去形容食物，个人喜好掌握餐厅的生杀大权。
享誉国际的星级厨神Julian Slowik（Ralph Fiennes饰）在西北太平洋小岛上开设一间隐世餐厅Hawthorn，叫得隐世都知价钱唔会平，冇错，Tasting Menu每位$1,250美元（约9,700港币）。咪以为畀得起钱就有得食，Sorry，每晚限定12名宾客，有钱有面都未必排到你，愈难book愈多人争住book，一位难求，话畀人听book到已经好似赢咗全世界。
每枱有个唔见得光的故事
厨神头号靓仔粉丝Tyler（Nicholas Hoult饰）及寸嘴女伴Margot（Anya Taylor-Joy饰）、著名食评家及编辑、过气电影红星及助手、超富贵老夫妇常客，及年轻才俊有幸成为座上客。电影节奏好紧凑，一开场众宾客登上接驳船到小岛开始已经好紧张，侍应从环境及食材开始介绍，每日在海边捉到乜就食乜，就算伴碟的石头及花都取之岛上，然后七道料理都有一个好有意思的名称，如七宗罪，跟身有屎的宾客真系好匹配。
去到中后段，剧情急转直下，进入惊悚片模式，有血，吓人，但同样好多笑位，节奏更快，厨神由优雅地挖苦到开到口力斥得个壳的美食文化，特别怒轰操生杀大权的美食评论家及连自己食过乜都唔知，只挂住晒命打卡的KOL。故事荒诞又有创意，视觉呈现有美感，对白简而精又好笑，如果厨神背景可以讲多啲就更好，留意厨神阿妈，全片最黐线角色。
最Hit
长者乘车优惠明年4月收紧！长者群组热议「两蚊两折」点样计? 每月限搭240程？北上深圳贵好多？
2025-12-12 17:51 HKT
76岁「镇台之宝」主角变三线艺员曾被闹戏屎 谈公司陷财困：年年减薪，唔减薪𠮶年就减骚
2025-12-13 14:30 HKT
更多文章
