头条戏场 - 《杀手列车》劲暴力爆血动作喜剧｜头条戏场
头条戏场
2022-08-06 00:00 HKT
字体大小
电影改编自伊坂幸太郎的日本悬疑推理小说《瓢虫》，由《杀神John Wick》系列监制兼《死侍2》导演David Leitch执导。讲述地狱黑仔王杀手「瓢虫」（Brad Pitt饰）要登上列车执行任务，发现全车有6个杀手（计埋佢），个个各怀鬼胎。一套睇到好忙嘅戏，我指对眼好忙，事关由头打到尾，又刀又剑又枪又炸弹又拳脚，超强爆血度，仲要好好笑，加埋出色配乐，烂番茄新鲜度得59%，我觉得唔使理佢啰。
撰文：廖思慧
因为想为老婆报仇，邪恶黑帮大佬「白死神」（Michael Shannon饰）度埋啲屎桥，将觉得有关嘅杀手安排上列车等佢哋自相残杀，但冷不防有位「细胆又纯情」嘅少女Prince（Joey King饰）搞搞震，误导呢个又整鬼𠮶个，列车周围都系血，死法新奇之余配上粉红色吉祥物Momomon梅花间竹咁出现，cute中带血，都几治瘉。
要乜有乜睇到好爽
导演表示执导此片最大的挑战是：「点样喺一个规范嘅空间（一列子弹火车内），拍出一部紧张刺激嘅动作电影？」所以一向创意澎湃嘅导演发挥小宇宙，高质展示杀手们点样喺子弹火车的餐卡内厮杀、在静音车厢中埋身肉搏、又喺狭小的洗手间内枪口对决。电影有大量动作场面，笑点亦非常多，剧情转折位一只手数唔晒，角色之间好似好关事但其实又唔太关事，虽然角色众多，但导演节奏上拿捏得好，理解力低嘅人都绝对睇得明。
特别赞好柑桔（Aaron Taylor-Johnson饰），未见过有人做衰格嘢可以咁有型，客串巨星相当惊喜。
■毕佬同柑桔喺餐车打到黐线，睇到好肉紧。
■佢哋系柠檬（左，Brian Tyree Henry饰）同柑桔，负责搞笑，睇吓柑桔几有型。
■真田广之饰演黑帮长老，出镜唔多但超有霸气，仲要有搞笑演出。
■车外高速「飙过」的日本风景，由Lux Machina负责的超巨大LED显示屏加日本实地拍摄影像组合而成。
■佢系王子，唔好俾佢个样呃倒，全片最坏。
■杀手之一嘅黄蜂（Zazie Beetz饰）专长系变装，仲有特别嘅杀人武器，死状好恐怖。
■半数杀手为咗呢个箱争餐死。
撰文：廖思慧
因为想为老婆报仇，邪恶黑帮大佬「白死神」（Michael Shannon饰）度埋啲屎桥，将觉得有关嘅杀手安排上列车等佢哋自相残杀，但冷不防有位「细胆又纯情」嘅少女Prince（Joey King饰）搞搞震，误导呢个又整鬼𠮶个，列车周围都系血，死法新奇之余配上粉红色吉祥物Momomon梅花间竹咁出现，cute中带血，都几治瘉。
要乜有乜睇到好爽
导演表示执导此片最大的挑战是：「点样喺一个规范嘅空间（一列子弹火车内），拍出一部紧张刺激嘅动作电影？」所以一向创意澎湃嘅导演发挥小宇宙，高质展示杀手们点样喺子弹火车的餐卡内厮杀、在静音车厢中埋身肉搏、又喺狭小的洗手间内枪口对决。电影有大量动作场面，笑点亦非常多，剧情转折位一只手数唔晒，角色之间好似好关事但其实又唔太关事，虽然角色众多，但导演节奏上拿捏得好，理解力低嘅人都绝对睇得明。
特别赞好柑桔（Aaron Taylor-Johnson饰），未见过有人做衰格嘢可以咁有型，客串巨星相当惊喜。
最Hit
更多文章
