【阿碌开咪】关键少数联盟
《名家合集》收录名人文章，分享观点，探讨时事。
2020-06-25 09:18 HKT
字体大小
近日各大政党已在密密做功夫，为乜？当然为九月立法会选举部署啦。尤其今次建制恍似要与泛民决一死战，因阿爷「泰山压顶」，一定唔可以畀泛民赢得乜乜「35++」。
小弟晚饭时，其实冇乜兴趣讲政治，因影响消化也，但永远情况变成「你唔讲政治，政治想你讲」，因任何话题一扯，必然去到政治。
无法啦，讲咪讲啰。睇今次形势，建制、泛民真是从未如此势均力敌。建制有无尽资源，又有阿爷撑腰，不过，你知我知，真系人才不足，观众缘亦唔多够，好在「铁票」劲抽，以及配票功力非比寻常，呢方面，「一盘散沙」般的泛民，真系冇得挥。
但泛民胜在经常有黄金比例（六比四）顶住，一去到直选议席，多数赢条马颈。今番客观形势，更因去年的政治运动带来「红利」，虽则不少大将可能被DQ（预咗啦），但选民多只认招牌唔认人。不过，今天至九月，仍有两个几月，「政治一日都嫌长」，可能仍有好多变数也。
人人讲建制及泛民，呢，我就非常关注自由党前主席田北俊搞乜嘞。
田少乃政治老手，做过政党主席，曾受北京宠信，又走过直选，如今七十三岁，你叫佢再上前线，当然唔制，但似曾钰成及周梁淑怡等，仍非常精壮，对观察政局亦有个人智慧，点会忍手忍口乜都唔理唔搞？
于是继续发挥影响力，暂时推出李启迪、袁弥昌及潘焯鸿三只「马」跑。
昨晚与政界老手「大T」摸酒杯底。小弟问：「T哥，呢个局点睇？」
「阿碌，今届选举，建制及泛民皆不会取得压倒性胜利。『老姜』田少早早睇通，决定要搞『关键少数联盟』。只要加埋有五票，就可以左右大局。任何一方，包括中央、政府、建制、泛民，想在立法会通过任何法案，都要『求』佢哋！呢个联盟，一定不可在政治上有鲜明立场。如此，他日倒向边一边，也可自圆其说，地位超然，人人要『拜』㗎，哈哈哈！」
曾智华
阿碌开咪
田北俊
更多文章
