周显 - 不道德先揾到钱 | 政政经经
周显
2024-09-19 02:00 HKT
字體大小
我常常批评香港政府，经济搞得不好，有人反过来批评我：「锦鲤」有乜高见？
我说：「我们这些写稿佬，梗系有批评无建设，又唔系请我做高官、议员、智库，无出粮畀我，我有乜责任要讲建设？批评呢家嘢，在新闻学，专业名词叫社会监察，英文叫social surveillace，批评已经系尽咗公民责任，同埋传媒责任㗎啦。」
不过我可以告诉大家，我有十万条计策，可以帮助到经济，当然不是一条就可以救返生，不过积少成多，每样赚少少，都可以帮补唔少。反而好似夜缤纷，熊猫经济，前者系蚀本货，后者系搞笑，就真系倒米嘞。
香港崛起靠「跳舞跑马」
随便讲讲，可以搞下麻将经济，马会赌篮球，24小时炒股，铜锣通宵夜蒲……系呀你闹得啱，全都唔系好事。
话说香港崛起，全都都系靠不道德，所以邓小平喺收返香港之前，都要保证「舞照跳，马照跑」，因为呢啲先至系我们的核心价值。𠵱家又要有道德，又要揾钱，咪傻啦，世界有咁美好㗎咩？
周显
最Hit
更多文章
