KellyChu - 卖生菜「同归于尽」10蚊3斤老板感经济不景冀益街坊 | Executive日记

专栏

更新时间：02:00 2025-04-24 HKT
发布时间：02:00 2025-04-24 HKT

　　近日荃湾一间菜档以「同归于尽」价卖10蚊3斤蔬菜，价钱之抵令大家哗然，有行家去到菜档问店员因乜解究平成咁？原来老板卖菜已有30年，深感香港经济不景，所以想用平价菜益街坊，当做善事。Kelly表示respect！

　　日前有网民喺小红书爆料，影片拍到一间菜档各款蔬果嘅价钱牌，其中生菜写着「同归于尽10元3斤」，番茄又系「同归于尽」10元3磅，蕃薯苗则10元4扎，真系抵到烂！唔少人都留言话仲平过大陆买菜。

　　有人认出呢间档菜档位于荃湾川龙街靠近杨屋道街市，并透露「同归于尽」菜价每日变动：「昨天傍晚我去买菜，看到有10蚊3斤的菜心苖。」亦有网友提到曾以5蚊买到2斤菜，但好快就卖晒了。

　　有网友估计菜档咁做只系晚市清货嘅促销策略。店员就透露，老板卖菜有近30年，认为香港近年经济环境唔太好，想以平价菜「益街坊」，当系做善事，并指绝对唔会将货就价，会确保蔬菜质素咁话。

　　店员亦承认老板嘅决定确令菜档蚀钱，所以只能聘请3名店员，节省成本。除咗「同归于尽价」，佢哋亦推出过「老板失恋价」，同埋「今晚酒吧见」等等，创意十足。小妹有感现时做生意真系要多动动脑筋，唔容易呢。

KellyChu

↓立即下载星岛头条App↓