KellyChu - 故宫馆「剧透」11月展图坦卡门珍品 | Executive日记

专栏

更新时间：02:00 2025-01-14 HKT
发布时间：02:00 2025-01-14 HKT

嚟紧唔使去埃及或大英博物馆，喺香港就可以睇到法老王雕像，一睹古埃及文明神秘面纱。香港故宫文化博物馆昨日预告，今年将推出4个特别展览及3个专题展览，其中11月压轴开幕嘅「图坦卡门与萨卡拉的秘密」(暂名)最为瞩目，届时将展出近250件来自7间重要埃及博物馆嘅珍品，系本港近数十年来最大规模及最全面嘅古埃及展览。

　　香港故宫文化博物馆馆长吴志华指，呢个埃及珍藏展览目前喺上海博物馆一票难求，但香港故宫文化博物馆将会重新制作，取之精华，并加入多媒体说明，为观众带嚟沉浸式体验。佢亦表示，故宫馆预期呢个展览入场人次可达60万，令全年总参观人数将超过去年嘅300万人次。

　　除咗古埃及文明展，另一个同样万众期待嘅展览，就系将于6月中开幕嘅伊斯兰艺术展览「文明交织：多哈伊斯兰艺术博物馆地毯珍藏」（暂名），将展出约100件包括伊朗、土耳其、印度嘅精美地毯、瓷器、古籍等文物，系故宫馆首次同卡塔尔嘅合作项目。

　　Kelly亦对8月举行嘅「莫卧儿王朝的珍宝」（暂名）展览相当感兴趣，呢个由蒙古人喺印度建立嘅强大帝国，全盛时期领土几乎囊括整个印度次大陆，以及中亚阿富汗等地，举世闻名嘅泰姬陵亦系由当时其中一代皇帝为爱妻而建。

　　吴志华话，去年入场睇展嘅访客里面73%都系非本地人士，当中好大部分嚟自东南亚国家，因此可见未来亚洲市场非常重要，佢哋亦会加强同其他亚洲地区业界合作，发挥好香港作为贯通中西文化嘅桥梁角色。

KellyChu

↓立即下载星岛头条App↓