马利奥毛瑞尔穿上电影《重庆森林》中嘅警察戏服，扮戏中嘅梁朝伟，喺中环自动扶手梯一带游走。

KellyChu - 复刻《重庆森林》桥段漫步中环泰国男神「朝伟上身」为港拍宣传片 | Executive日记

专栏

更新时间：02:00 2024-05-25 HKT
发布时间：02:00 2024-05-25 HKT

　　泰国影星马利奥毛瑞尔（Mario Maurer），日前以第17届亚洲电影大奖青年大使身份，受邀到港参加颁奖典礼，并同旅发局拍摄咗一套宣传片。拍摄期间，好崇拜本港著名导演王家卫嘅Mario，竟然「朝伟上身」，穿上电影《重庆森林》中嘅警察戏服，扮戏中嘅梁朝伟，喺中环自动扶手梯一带游走。小妹觉得，真系同朝伟一样型！

　　Mario凭泰国电影《爱在暹逻》、《初恋那件小事》及《凄厉人妻》，红遍全亚洲，过去更同蔡卓妍合演电影《感动她77次》。对港产片情有独钟嘅佢，于是亲自建议游览电影拍摄场地，首站到访戏迷最爱嘅红磡宝石戏院；之后，佢仲「朝伟上身」，穿上《重庆森林》中嘅警察戏服，学梁朝伟，游走中环至半山自动扶手电梯一带。Mario话：「当我欣赏王家卫电影𠮶阵，我睇到香港嘅生活日常，所以我很钟意喺电梯一带搜寻有趣嘅小店、唐楼及理发店。」值得一提系，拍摄期间，Mario仲到访公利真料竹蔗水，一尝古法制作嘅清甜蔗汁。

　　之后，Mario亦换上茶餐厅伙计嘅恤衫，叼住牙签，变身成为《行运一条龙》中周星驰饰演嘅何金水。宣传片已经可以喺旅发局YouTube平台睇到，大家记得睇！

KellyChu