KellyChu - 邓炳强精选10大美食沙头角「炸油糍」冇得顶｜Executive日记

专栏

更新时间：00:00 2023-12-19 HKT
发布时间：00:00 2023-12-19 HKT

喺保安局局长邓炳强大力推动之下，第二期沙头角开放计划将于明年1月1号开始啦，大家只要喺网上申请电子「禁区纸」，就可以入沙头角开放嘅地区寻幽探秘！邓局长仲精选沙头角「十大美食」！小妹跟局长去试食过，回味无穷，即刻同大家分享下小妹心目中嘅十大美食嘅排名！

小妹最钟意怀旧小食，所以第一名一定选「怀旧炸油糍」，呢款就嚟失传嘅客家小食，入面好多萝卜丝、虾米同香料，外脆内软，好食到停唔到口！第二名我选「客家豆豉炆猪肉钵」，松软嘅猪肉经过长时间炆煮，剩返骨胶原，不油不腻，豉香诱人，配碗白饭食简直冇得顶。第三名系「香煎蚝饼面」，一粒粒又大又肥美嘅本地新鲜蚝仔被浓厚蛋浆完美包住，充满鲜味，一口蚝饼一口汤面，口感新奇，小妹大开眼界！

除咗「top 3」，小妹觉得嫩滑弹牙嘅「香煎墨鱼饼」、用上走地鸡嘅「咸菜鸡饭」同肉汁多到泻嘅「手打牛肉芝士汉堡」都相当之唔错！小妹诚心推介大家入沙头角，一边睇风景，一边叹特色美食！

Kelly Chu