Jacky哥 - 趁恒生总行大变身前打卡留念｜企业热话

专栏

更新时间：00:00 2023-07-20 HKT
发布时间：00:00 2023-07-20 HKT

恒生银行又有新搞作！估唔到佢地啱啱喺3月将总行变身成派对场地庆祝完90周年，话咁快又有好消息！恒生执行董事兼行政总裁施颖茵上星期喺又一城分行嘅「未来银行」开幕礼时预告咗恒生总行会大变身，我听闻原来位于德辅道中嘅恒生总行将会进行升级改造，仲会融入「以人为本」、「融合自然」、「灵活多变」三大理念。贯彻恒生嘅品牌价值，里里外外全面展现恒生「恒变生无限」嘅未来银行新景象。

闻说改造后中环核心地段将会出现一个秘密花园，睇嚟佢哋注重总行外观之余仲不忘加入可持续发展元素！

同大家考下古，恒生其实喺1991年搬入位于德辅道中嘅总行大厦现址。整栋建筑物同中环行人天桥系统紧密相连，位处中区行人天桥系统的核心，平日市民大众喺中环闹市中穿梭游走都会经过，可以话同香港人嘅生活日常密不可分。今次升级改造，相信变化都会相当大，我都好想快啲睇到变身后嘅恒生总行。现时嘅恒生总行陪伴了大家30多年，可谓经历证著香港的时代变迁。我都会把握最后机会喺7月底工程开展前，喺恒生总行打卡纪念，见证呢个中环地标嘅变迁。
Jacky哥