出靓相散文集遭连登仔质疑冇资格嘉盈霸气回应凭够胆自爆黑历史

头条日报-娱乐

更新时间：00:00 2023-07-07 HKT
发布时间：00:00 2023-07-07 HKT

近年经常现身ViuTV节目，拥33E好身材的网台「熊仔头」成员嘉盈（王嘉盈），唔只捞埋电影，今年书展更会推出首本图文并茂散文集《KAYING’s Wordings》，自认才疏学浅的她无意做才女，只想跟fans分享感受，及畀自己留个纪念。书中敢言性格不变，但性感相欠奉，原来作风大胆的她都有嘢惊，但此举就令网民相当失望。
采访：杜杜摄影：罗安强

因去年有出版社邀约，25岁的嘉盈好想试新嘢而答应，「我有两个IG account，大𠮶个有超过28万人follow，细嘅得4万几人，所以有时心情唔好，好放心喊住打一堆嘢上去，出版社觉得啲随笔几得意，就揾我将呢个概念摆落书。」她强调并非想走才女路线，「朋友share时话我系才女，真系尴尬到渐冻症，老实讲我真系才疏学浅，我见连登有人问我凭咩出书，凭我够胆攞自己嘢出嚟讲，讲自己以前好钟意讲大话。」
自制小礼物赠Fans

向来大方劲钟意在IG分享性感靓相的嘉盈，今次出书竟走保守路线，她解释：「唔想递畀阿爸阿妈时尴尬，同埋睇返转头唔想有后悔感觉。」因未知仲有冇下次，自资近10万的嘉盈可谓不计成本，「宁愿贵少少，可以印得好啲，大家睇晒之后都有花瓶嘅作用。」至于销情她并不担心，「卖唔卖得都好，唔需要有畅销呢个title，我都唔系写书嘅人，只系送畀fans嘅礼物，一个纪念。」

将于书展举行签书会的嘉盈尴尬多过兴奋，「觉得凭咩出嚟同佢哋聚会，仲要揸住支咪同佢哋讲嘢。」除了签名和合照，宠粉的她还准备自制小礼物送畀fans，但就未决定当日衣着，「我着衫好睇心情，唔会因为要同观众近距离就包到实，最紧要靓。」而她亦唔担心有疯狂粉丝埋身，「我有个光头经理人顶一顶，如果有啲疯狂粉丝太有侵略性，我会严厉斥责，对fans唔会斋呵，觉得唔啱会讲。」